கண்ணம்மா" – உணர்வுகளால் நிரம்பிய, யதார்த்தமான ஒரு திரைப்பட அனுபவம்- சிறி திருநாவுக்கரசு

 .

கண்ணம்மா" – உணர்வுகளால் நிரம்பிய, யதார்த்தமான ஒரு திரைப்பட அனுபவம்.

இலங்கைத் தமிழர் வாழ்வியலை பிரதிபலிக்கும் உணர்வுபூர்வமான திரைப்படம் – "கண்ணம்மா"

இலங்கையில் தயாரிக்கப்பட்ட முழுநீளத் திரைப்படமான "கண்ணம்மா", இன்று (14 ஜூன் 2026) சிட்னியின் Auburn Reading Cinemas திரையரங்கில் வெற்றிகரமாக வெளியிடப்பட்டது. திரைப்படத்தை காண பெருமளவிலான ரசிகர்கள் வருகை தந்திருந்தனர்.

அரங்கம் நிறைந்த பார்வையாளர்களின் வரவேற்பு, இந்த திரைப்படத்தின் மீது இருந்த எதிர்பார்ப்பை வெளிப்படுத்தியது.

யூட் சுகி அவர்களின் கதை, திரைக்கதை, ஒளிப்பதிவு மற்றும் இயக்கத்தில் உருவான இந்த திரைப்படத்திற்கு பிரசாந்த் கிரிஷ்ணபிள்ளை இசையமைத்துள்ளார். காரை சிவநேசன் படத்தொகுப்பை மேற்கொண்டுள்ளார்.

மகேந்திரசிங்கம், சபேசன், நிந்துஜா, ஜீவேஸ்வரன், சிவநேசன், ஜஸ்மின் மற்றும் "கிளிநொச்சி கண்ணம்மா" உள்ளிட்ட நடிகர்கள் அனைவரும் தங்கள் கதாபாத்திரங்களை மிகவும் இயல்பாகவும் உணர்வுபூர்வமாகவும் வெளிப்படுத்தியுள்ளனர்.

யாழ்ப்பாணம் மற்றும் கிளிநொச்சி பகுதிகளை பின்னணியாகக் கொண்டு உருவாக்கப்பட்டுள்ள இந்த திரைப்படம், இலங்கைத் தமிழர்கள் எதிர்கொண்ட வாழ்க்கைச் சவால்கள், குடும்ப உறவுகள், சமூக உண்மைகள் மற்றும் மனித உணர்வுகளை மிக யதார்த்தமாக சித்தரிக்கிறது. பல காட்சிகள் பார்வையாளர்களின் மனதை ஆழமாகத் தொட்டு, கண்களை கலங்க வைக்கும் வகையில் அமைந்துள்ளன.

சிட்னியில் திரைப்படத்தை பார்த்த பலர், இது வெறும் திரைப்படம் மட்டுமல்ல; நம் சமூகத்தின் உண்மை வாழ்க்கையை பிரதிபலிக்கும் ஒரு கண்ணாடி எனக் கருத்து தெரிவித்தனர்.

சிட்னி ரசிகர்களின் திரைப்பட விமர்சனத்தை (Sydney Audience Review) கண்டுகளிக்க மறக்காதீர்கள்.

கண்டிப்பாக பார்க்க வேண்டிய ஒரு திரைப்படம் (Must Watch Movie)!

I would like to sincerely thank Mr. Chelliah Paskaran for inviting me to watch this movie and for providing the opportunity to record and share the audience review comments. Your support and encouragement are greatly appreciated.