பிறப்பினில் உயர்வு தாழ்வு வேண்டா! - அன்பு ஜெயா பா வகை: கண்ணாட்டிச் சிந்து

  

பாம்பிடத்தில் உள்ளமணி பழுதாய்ப் பார்ப்பரோ – கண்ணாட்டி

பழுதாய்ப் பார்ப்பரோ!

பாம்பிடத்தில் உள்ளநஞ்சின் பழுதையும் மறப்பரோ -  கண்ணாட்டி

பழுதையும் மறப்பரோ!                 (1)

 

உயர்வென்றும் தாழ்வென்றும் உள்ளம் உரைக்குமோ – கண்ணாட்டி

உள்ளம் உரைக்குமோ!

உயர்வதுவும் தாழ்வதுவும் உம்மைப் பிரிக்குமே – கண்ணாட்டி

உம்மைப் பிரிக்குமே!            (2)

 

உயர்வுதாழ்வும் பிறப்பினிலே உண்டோ கூறாய் – கண்ணாட்டி

உண்டோ கூறாய்!

உயர்த்துவதே அறிவென்றும் உணர்ந்திடு நன்றாய் – கண்ணாட்டி

உணர்ந்திடு நன்றாய்!            (3)