தமிழ் முரசு வாரம் ஒருமுறை திங்கட் கிழமைகளில்

 தமிழ் முரசு வாரம் ஒருமுறை திங்கட் கிழமைகளில் மலரும் என்பதை வாசகர்களுக்கு அறியத்தருகின்றோம். மரண அறிவித்தல்கள், பிறந்தநாள் வாழ்த்துக்கள், விளம்பரங்கள் போன்றவைகளை  அனுப்பி வைத்தால் இலவசமாக பிரசுரிக்கப்படும். ஆசிரியர் குழு

விஜய தசமி வெற்றியின் வெளிச்சம் !

 

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண்  ........  அவுஸ்திரேலியா 

வீரமும் வேண்டும் விவேகமும் வேண்டும்

பணிவும் வேண்டும் துணிவும் வேண்டும்

பொருளும் வேண்டும் பொறுமையும் வேண்டும்

அருளும் வேண்டும்  அறிவும் வேண்டும் 

வீரம் மட்டும் வாழ்க்கை அல்ல

வெற்றியும் செல்வமும் வாழ்க்கை அல்ல 

அறிவுடன் அமையும் நிலையே சிறப்பு

அருளும் இணைந்தால் அதுவே நிறைவு

சமயம் என்பது சடங்குகள் அல்ல

சமயம் என்பது வாழ்வியல் ஆகும்

எப்படி வாழ்வது என்பதை உணர்த்தும்

தத்துவ நெறியே சமயம் ஆகும்

மேலும் வாசிக்க

கல்விக்குத் தெய்வமே கலைவாணி தாழ்பணிந்தேன் !

 

   

          

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண் ..... அவுஸ்திரேலியா 

வெள்ளைக் கமலத்தில் வீற்றிருக்கும் மாதரசி

உள்ளக் கமலத்தில் உயரறிவை இருத்திடம்மா

கள்ளமில்லா மனத்தைத் தந்திடுவாய் கலைமகளே

கல்விக்குத் தெய்வமே கலைவாணி தாழ்பணிந்தேன் 

அறியாமை இருளகல அம்மாநீ அருந்துணையே

அறியாத அனைத்தையும் அகமமரச் செய்திடுவாய்

அசடனாய் அவனியிலே வாழாமல் நானிருக்க

அம்மாநீ என்றுமே அபயகரம் தந்திடுவாய் 

கற்றவர்கள் அவையேறி இருந்துவிடச் செய்திடம்மா

கற்றபவைகள் கற்றுவிடக் கலைமகளே அருளிடம்மா

கசடுவறக் கற்றுவிடக் கலைமகளே துணை நீயே

எப்பொழுதும் கற்றுவிட எனக்கருள வேண்டுமம்மா

கற்றுவிடும் மனத்தைத் தந்துவிடு தாயே

கல்வியொடு கண்ணியத்தை இருத்திவிடு தாயே

கற்றவர்கள் கனம்பண்ணச் செய்துவிடு தாயே

கலைமகளே கழல்பணிந்தேன் காத்திடுவாய் தாயே  ! 

கவிதை..."வாசமும் பாசமும்"... மெல்போர்ன் அறவேந்தன்

 

அஞ்சலிக்குறிப்பு: தன்னலம் கருதாத சிவராசா மாஸ்டர் ! இலங்கை ஆசிரியர் சங்கத்தில் அர்ப்பணிப்புமிக்க தோழர் !! முருகபூபதி

இலக்கியவாதியும் ஊடகவியலாளருமான நிலாந்தன் எழுதிய பதிவு ஒன்றிலிருந்து  முன்னாள் ஆசிரியரும்,  தன்னலமற்ற தொழிற்சங்கவாதியுமான சிவராசா மாஸ்டர் அவர்கள் யாழ்ப்பாணத்தில் மறைந்துவிட்டார் என்ற துயரமான செய்தியை படித்தேன்.

அதனைப்படித்தவேளையில் சிவராசா மாஸ்டர் அவர்களுடனான  முதல் சந்திப்பும்,  அவருடனான தொடர்பாடல்களும்தான் நினைவுக்கு வந்தது.

அவர் குறித்த அஞ்சலியுடன், இந்த நனவிடைதோய்தற் குறிப்புகளை எழுதுகின்றேன்.

இலங்கை சுதந்திரமடைந்த பின்னர் 1971 ஆம் ஆண்டு தென்னிலங்கையில் ஆயுதக்கிளர்ச்சி நடந்தது.  அக்காலப்பகுதியில்  ஶ்ரீமாவோ பண்டாரநாயக்கா – கலாநிதி என். எம். பெரேரா மற்றும்  பீட்டர் கெனமன் ஆகியோர் தலைமை தாங்கிய ஶ்ரீலங்கா சுதந்திரக்கட்சி,  சமசமாஜக்கட்சி மற்றும் கம்யூனிஸ்ட் கட்சி ஆகியன இணைந்த கூட்டணி அரசு பதவியிலிருந்தது.

ஆயுதம் ஏந்திய  இயக்கமாக ஜனதா விமுக்தி பெரமுன உருவாகி,  அதில் அங்கம் வகித்த ஏராளமான சிங்கள இளைஞர்களினால்,  அந்த கிளர்ச்சி எழுச்சிகொண்டது. எனினும்  அரசின் அடக்குமுறையினால் அந்தப்போராட்டம் முறியடிக்கப்பட்டு,  பலர்கொல்லப்பட்டனர், மேலும் பலர் சிறைவைக்கப்பட்டனர்.

கிளர்ச்சியில் ஈடுபட்ட பலர் வெலிக்கடை, போகம்பர, மகஸின், அநுராதபுரம், யாழ்ப்பாணம், உட்பட பல பிரதேசங்களில்  அமைந்திருந்த சிறைகளில்  தடுத்து வைக்கப்பட்டனர்.

 

பின்னர் அவர்களுக்கு எதிரான விசாரணைகள் கொழும்பில் நீதியரசர் அலஸ் தலைமையில் குற்றவியல்  நீதி ஆணைக்குழுவின் முன்னிலையில் நடைபெற்றது.

அக்காலப்பகுதியில்  இலங்கை ஊடகங்களில் அந்த விசாரணைகள் தொடர்பான செய்திகள் வெளியாகிக்கொண்டிருந்தன. இன்று போல், அக்காலப்பகுதியில் உடனுக்குடன் செய்திகளை படிப்பதற்கான ஊடக சாதனங்கள் இருக்கவில்லை.

சிறைகளில் தடுத்துவைக்கப்பட்டிருந்த அரசியல் கைதிகளை விடுதலை செய்ய வேண்டும் என்ற கோரிக்கையை முன்வைத்து  நாடெங்கும் சுவரொட்டிகளும்  ஒட்டப்பட்டு கூட்டங்களும் நடந்தன.

இந்த இயக்கம்  கொழும்பு மலே வீதியில் அப்போது அமைந்திருந்த இலங்கை ஆசிரியர் சங்கத்தின் பணிமனையிலிருந்து தொடங்கியது.

மேலும் வாசிக்க

இறையருளைப் பெறும் வகையில் வாழ்வை அமைத்துக்கொள்வோம்!

 மனிதன் தனது வாழ்க்கையை இறைவனின் அருளைப் பெறும் வகையில் அமைத்துக்கொள்ள வேண்டும். நாம் புனிதமான பாதையில் பயணிக்க வேண்டும். பிறவி எடுத்துவிட்ட நாம், மீண்டும் பிறவி எடுக்காத நிலையை அடைவதற்குத் தேவையான அனைத்தையும் செய்ய வேண்டும். அதேபோல், மரணத்தைச் சந்திக்கும்போது, மீண்டும் ஒருமுறை மரணத்தைச் சந்திக்க வேண்டாத நிலையை அடையும் வகையில் வாழ வேண்டும். இதுவே மனித வாழ்க்கையின் உண்மையான இரகசியமாகும்.

ஆனால், இன்றைய மனித வாழ்க்கையில், அறிவியலின் அறிவு எந்த அளவிற்கு வளர்ந்திருக்கிறதோ, அந்த அளவிற்கு மனிதனின் உண்மையான வலிமை குறைந்துகொண்டே வருகிறது. அறிவியல் முன்னேற்றம் அடைந்துவரும் அதே வேளையில், மனிதனிடம் இயல்பாக இருக்க வேண்டிய நற்பண்புகளும் உள்ளார்ந்த ஆற்றல்களும் படிப்படியாகக் குறைந்து வருகின்றன.

அறிவியல் என்று நாம் குறிப்பிடுவது, மனிதனுக்குப் புறவுலகில் பொருள் சார்ந்த இன்பங்களை வழங்கக்கூடும். ஆனால், அது ஆத்மானந்தத்தை, அதாவது ஆன்மாவின் பேரின்பத்தை வழங்க முடியாது. ஆன்மிகமே மனிதனை முழுமை என்னும் உயர்ந்த நிலைக்கு இட்டுச் செல்கிறது.

ஒவ்வொரு மனிதனும் இந்த முழுமையை உணர வேண்டும். ஆன்மிகத்தில் அடங்கியுள்ள பரிபூரணமான அறிவையும் உண்மையான ஞானத்தையும் பெற்றுக்கொள்ள வேண்டும்.

மனிதன் என்பதன் உண்மையான பொருள்

‘மனிதன்’ என்பதற்கான சமஸ்கிருதச் சொல்லான மானவா (Manava) என்பது மூன்று எழுத்துகளைக் கொண்டதாக இங்கு விளக்கப்படுகிறது: ம, ந, வ.

• ம (Ma) – அறியாமை அல்லது அறிவின்மை.

• ந (Na) – அந்த இருளையும் அறியாமையையும் நீக்குதல்.

• வ (Va) – ஒருவன் பின்பற்ற வேண்டிய நடத்தை அல்லது வாழ்க்கை முறை.

இந்த விளக்கத்தின்படி, மானவா என்பதன் பொருள், தனது வாழ்க்கை முறையின் மூலம் அறியாமை என்னும் இருளை நீக்கி, அறிவொளியைப் பெறும் வகையில் வாழ வேண்டியவன் என்பதாகும்.

மனிதப் பிறவியின் உண்மையான நோக்கம், உண்பது, உறங்குவது, பொருள் சேர்ப்பது, உலகியல் இன்பங்களை அனுபவிப்பது ஆகியவற்றுடன் மட்டும் முடிந்துவிடுவதில்லை. தன்னுள் உறையும் தெய்வீகத்தை உணர்ந்து, அறியாமையை அகற்றி, ஆன்மிக ஞானத்தைப் பெற்று, இறைவனுடன் ஒன்றிய நிலையை அடைவதே மனித வாழ்க்கையின் உயர்ந்த இலக்காகும்.

எனவே, அறிவியல் அறிவுடன் ஆன்மிக ஞானத்தையும் வளர்த்துக்கொள்வோம். அறியாமை என்னும் இருளை நீக்கி, நற்பண்புகளுடன் வாழ்ந்து, இறையருளைப் பெற்று, பிறவிச் சுழற்சியிலிருந்து விடுதலை பெற முயல்வோம்.

சங்கல்பமும் சாதனையும் – ஆன்மிக வளர்ச்சிக்கான வழிமுறை

 எண்ணங்களுக்கும் (சங்கல்பங்கள்), ஆன்மிக முயற்சிக்கும் (சாதனை) இடையே என்ன தொடர்பு உள்ளது?

இவற்றின் தொடர்பு நெருப்புக்கும் புகைக்கும் இடையே உள்ள தொடர்பைப் போன்றது. புகை அதிகமாக இருக்கும்போது நெருப்பின் ஒளியும் வெப்பமும் மறைக்கப்படுகின்றன. நெருப்பு கொழுந்துவிட்டு எரியும்போது புகை மறைந்துவிடுகிறது.

அதேபோல, பராசக்தி எனப்படும் ஆன்மிக ஆற்றல் அதிகரிக்கும்போது, பிராகிருத சக்தி எனப்படும் உலகியல் ஆற்றலின் ஆதிக்கம் குறைகிறது. மாறாக, ஒருவருடைய ஆன்மிக ஆற்றல் குறையும்போது, உலகியல் ஆற்றலின் ஆதிக்கம் அதிகரிக்கிறது.

ஆன்மிக ஆற்றலை வளர்த்து, இயற்கை மற்றும் உலகியல் சார்ந்த பற்றுதல்களின் ஆதிக்கத்தைக் குறைப்பதற்கு, மனிதன் உலகியல் விஷயங்களில் வைராக்கியத்தை (பற்றற்ற தன்மையை) வளர்த்துக்கொள்ள வேண்டும்.

சங்கல்பமும் இச்சா சக்தியும்

சங்கல்பங்கள் எனப்படும் எண்ணங்களிலிருந்து இச்சா சக்தி (விருப்பத்தைச் செயல்படுத்தும் மனவலிமை) உருவாகிறது. இந்த இச்சா சக்தியே அறிவாற்றல், பகுத்தறியும் திறன், பேச்சாற்றல் போன்ற பல்வேறு ஆற்றல்களுக்கு அடிப்படையாக அமைகிறது.

இந்த இச்சா சக்தியை வளர்த்துக்கொள்வதற்கு, நாம் தேவியை வழிபட வேண்டும். அதாவது, உடலால் மேற்கொள்ளப்படும் வழிபாட்டு முறைகளையும் பூஜைகளையும் கடைப்பிடிக்க வேண்டும்.

அதே நேரத்தில், இச்சா சக்தியை வளர்ப்பதற்கு நமது ஆசைகளையும் படிப்படியாகக் குறைத்துக்கொள்ள வேண்டும்.

இதனை நமது அன்றாட வாழ்க்கையிலேயே அனுபவபூர்வமாக உணர முடியும். உதாரணமாக, ஒருவருக்குப் பலவகையான பானங்களை அருந்த வேண்டும் என்ற ஆசை இருக்கலாம். முதலில், அவற்றில் சிலவற்றை அருந்த வேண்டும் என்ற ஆசையைக் கைவிடுவதன் மூலம், தனது ஆசைகளைக் கட்டுப்படுத்த அவர் பழகிக்கொள்ளலாம்.

இவ்வாறு சில ஆசைகளைக் கட்டுப்படுத்தும்போது, மன உறுதியும் விருப்பங்களைக் கட்டுப்படுத்தும் ஆற்றலும் வளர்கின்றன. நாளடைவில், மற்ற ஆசைகளையும் கைவிடுவது எளிதாகிறது.

வைராக்கியம் என்றால் என்ன?

வேதாந்தக் கண்ணோட்டத்தில், இத்தகைய பற்றற்ற மனநிலையே வைராக்கியம் என்று அழைக்கப்படுகிறது.

வைராக்கியம் என்பது வீட்டையும் குடும்பத்தையும் விட்டுவிட்டு, காட்டிற்குச் சென்று துறவறம் மேற்கொள்வது அல்ல. உலக வாழ்க்கையைத் துறப்பதே அதன் பொருளும் அல்ல.

வைராக்கியம் என்பது இறைச்சிந்தனைகளை வளர்த்துக்கொண்டு, உலகியல் ஆசைகளையும் பற்றுதல்களையும் படிப்படியாகக் குறைத்துக்கொள்வதாகும்.

குடும்பத்திலும் சமூகத்திலும் வாழ்ந்துகொண்டே, நமது கடமைகளைச் சரிவர நிறைவேற்றி, மனத்தை இறைவனிடம் நிலைநிறுத்த முடியும். உலகியல் வாழ்க்கையில் ஈடுபட்டிருந்தாலும், அதன் மீதான அளவற்ற பற்றுதல்களுக்கு அடிமையாகாமல் வாழ்வதே உண்மையான வைராக்கியமாகும்.

எனவே, ஆசைகளைக் கட்டுப்படுத்துவோம்; மனவலிமையை வளர்த்துக்கொள்வோம்; இறைச்சிந்தனையைப் பெருக்கி, ஆன்மிகச் சாதனையின் மூலம் நமது தெய்வீக ஆற்றலை வெளிப்படுத்துவோம்.

மன அமைதியே மகிழ்ச்சியின் அடிப்படை!

 மனிதன் தன்னுள் உறையும் இறைவனின் எல்லைகளைக் கடந்த தெய்வீக இயல்பை உணர்ந்துகொள்ள வேண்டும். அதற்காக, முக்குணங்களான சத்துவம், ரஜஸ், தமஸ் ஆகியவற்றையாவது ஓரளவுக்குக் கட்டுப்படுத்த முயற்சி செய்ய வேண்டும். நவராத்திரியின் இந்த ஒன்பது நாட்களிலும் நாம் மேற்கொள்ள வேண்டிய ஆன்மிகச் சாதனை இதுவே. இவ்வாறு சாதனை மேற்கொள்வதன் மூலம் இறைவனின் அருளைப் பெறலாம்.

அப்போதுதான் உண்மையான மன அமைதியை அனுபவிக்க முடியும். மன அமைதியின் மூலமாகவே மகிழ்ச்சியை அடைய முடியும். இதனைப் புகழ்பெற்ற கவிஞரும் மகானுமான தியாகராஜ சுவாமிகள் தமது கீர்த்தனையில்,

“சாந்தமு லேக சௌக்கியமு லேது”

என்று தெளிவாக எடுத்துரைத்துள்ளார். இதன் பொருள், “அமைதி இல்லையேல் மகிழ்ச்சி இல்லை” என்பதாகும்.

எனவே, மனிதனுக்கு அமைதி மிகவும் இன்றியமையாதது. அதுவே அவனுடைய உயிர்மூச்சாகும். உடல் வலிமை, அறிவாற்றல், செல்வம் அல்லது சந்ததிப் பெருக்கம் ஆகியவற்றால் மட்டும் மன அமைதியைப் பெற்றுவிட முடியாது.

மன்னன் திருதராஷ்டிரனிடம் இவை அனைத்தும் நிறைவாக இருந்தன. இருப்பினும், அவனால் ஒருபோதும் உண்மையான அமைதியை அனுபவிக்க முடியவில்லை. ஏன்? அவனுக்குத் துணையாக நிற்க வேண்டிய தர்மத்தின் வலிமையும் தெய்வீகத்தின் ஆதரவும் அவனிடம் இல்லை. இதன் காரணமாக, அவன் தீய எண்ணங்களுக்கும் தீய குணங்களுக்கும் அடிமையானான். இறுதியில் அழிவையும் சந்தித்தான்.

அன்பின் திருவுருவங்களே!

தர்மபலம் (அறநெறியால் கிடைக்கும் வலிமை) மற்றும் தெய்வபலம் (இறைவனிடமிருந்து கிடைக்கும் வலிமை) ஆகிய இரண்டும் மனிதன் தனது முயற்சிகளில் வெற்றி பெறுவதற்கு மிகவும் இன்றியமையாத பண்புகளாகும்.

ஒவ்வொருவரும் இந்த இரு வலிமைகளையும் தமக்குள் வளர்த்துக்கொள்ள வேண்டும். அறநெறியில் நிலைத்து, இறைவனின் அருளைப் பெற்று, தமது வாழ்க்கையைச் சமூகத்தின் நலனுக்கான சேவையில் அர்ப்பணிக்க வேண்டும்.

மன அமைதியை அடைய அறநெறியைப் பின்பற்றுவோம்; இறையருளைப் பெற தெய்வீகப் பண்புகளை வளர்த்துக்கொள்வோம்; நமது வாழ்க்கையைச் சமூக சேவைக்கு அர்ப்பணித்து வாழ்வோம்.

பிரசாந்தி நிலையம் – நிலையான அமைதியின் திருத்தலம்

 பிரசாந்தி நிலையம் என்பது நித்ய சாந்தி (என்றும் நிலைத்திருக்கும், எதனாலும் குலைக்கப்படாத அமைதி) நிலவும் புனிதத் திருத்தலமாகும். ஆழ்ந்த பகுத்தறிவையும், புலன்சார் பொருட்களின் மீதான பற்றுதல்களையும் ஆசைகளையும் (விஷய வாசனை) உறுதியுடன் துறக்கும் மனப்பக்குவத்தையும் அடிப்படையாகக் கொண்டு இது அமைந்துள்ளது.

இத்தகைய புனிதமான நாளில் இங்கு வந்து இருப்பது உண்மையிலேயே பெரும் பாக்கியமாகும். ஆயிரக்கணக்கான ஆன்மிகத் தேடலாளர்கள் இங்கு ஒன்றுகூடியுள்ளனர். இத்தகைய மங்களகரமான ஆன்மிகச் சூழலில் பங்கேற்க வந்துள்ள அனைவரும், தங்களுக்குக் கிடைத்த இந்த அரிய வாய்ப்பை மிகச் சிறந்த முறையில் பயன்படுத்திக்கொள்ள வேண்டும்.

தசரா பண்டிகையை விருந்துண்பதிலும், புலன்களின் பலவீனங்களுக்கும் ஆசைகளுக்கும் இடமளிப்பதிலும் செலவிடாமல், புனிதமான சிந்தனைகளுடன் கழிக்க நீங்கள் தீர்மானித்திருப்பது எனக்கு மிகுந்த மகிழ்ச்சியை அளிக்கிறது.

தர்மத்தின் வழியில் நிற்கும் தேவர்களின் சக்திகள், தீமையின் வழியில் நிற்கும் அசுர சக்திகளை வெற்றி கொண்டதைக் கொண்டாடுவதே தசரா பண்டிகையாகும். இந்த வெற்றியை அவர்களால் அடைய முடிந்ததற்குக் காரணம், பராசக்தி எனப்படும் பரம்பொருளின் உன்னத தெய்வீக ஆற்றலாகும். இறைவன் எண்ணற்ற வடிவங்களாகவும், பல்வேறு அழகுகளாகவும் இந்தப் பிரபஞ்சத்தைப் படைத்துத் திகழச் செய்யும் அந்தப் பேராற்றல், தேவர்களுக்கு உதவுவதற்காகவும், அவர்களுக்காகப் போராடுவதற்காகவும் வந்தது.

இத்தகைய புனிதமான ஆன்மிகச் சத்சங்கம், அதாவது நல்லோர் மற்றும் ஆன்மிகச் சான்றோர்களின் கூட்டுறவு, நம்மை நாமே அறிந்துகொள்ள வேண்டும் என்ற ஆர்வத்தைத் தூண்டுகிறது. நம்மைச் சூழ்ந்துள்ள உலகின் உண்மையான இயல்பை அறியவும், நம்மையும் இந்த உலகையும் ஒன்றிணைக்கும் ஒருமைத் தத்துவத்தை எவ்வாறு உணர்ந்து அனுபவிப்பது என்பதைப் புரிந்துகொள்ளவும் இது உதவுகிறது.

இந்த உயர்ந்த உண்மையே வேதங்களில் இடம்பெறும் மகாவாக்கியமான “தத் த்வம் அஸி” (Tat-Tvam-Asi) என்பதன் மூலம் எடுத்துரைக்கப்படுகிறது. இதன் பொருள்: “அதுவே நீ; அந்தப் பரம்பொருளே நீயாக இருக்கிறாய்.”

இந்த மகத்தான உண்மையை உணர்வதே ஆன்மிக வாழ்வின் உயர்ந்த இலக்காகும். நம்முள் உறையும் தெய்வீகத்தையும், பிரபஞ்சம் முழுவதும் நிறைந்திருக்கும் இறைத் தத்துவத்தையும் உணர்ந்து, அனைத்திலும் ஒருமையைக் காண்பதே உண்மையான ஆன்மிக அனுபவமாகும்.

உங்கள் இதயத்தையே பிரசாந்தி நிலையமாக மாற்றுங்கள்!

 நீங்கள் ஒவ்வொருவரும் உங்கள் இதயத்தையே பிரசாந்தி நிலையமாக மாற்றிக்கொள்ள வேண்டும். இந்த மாற்றம் இக்கணத்திலிருந்தே தொடங்க வேண்டும். உங்கள் சொற்கள், செயல்கள், எண்ணங்கள் ஆகியவற்றை ஆராய்ந்து பாருங்கள். உங்களுக்கும் பிறருக்கும் தீங்கு விளைவிக்கும் தீய எண்ணங்களையும் செயல்களையும் கைவிடுங்கள். அதற்குப் பதிலாக, சகிப்புத்தன்மை (சஹனம்), மன உறுதியுடன் கூடிய அமைதி (சாந்தி), உண்மை (சத்யம்) போன்ற உயர்ந்த பண்புகளை வளர்த்துக்கொள்ளுங்கள்.

தற்போது மனம், பிரபஞ்சத்தில் காணப்படும் பல்வேறு பொருட்களின் மீதும் அலைந்து திரிகிறது. இறைவன் என்னும் ஒரே சிந்தனையில் நிலைத்து நிற்க அது மறுக்கிறது. நல்ல இடங்களிலும் தீய இடங்களிலும் அமரும் ஈயானது, நெருப்புத் தணலில் அமர்வதை மட்டும் தவிர்க்கிறது. அதுபோலவே, மனமும் இறைவனைப் பற்றிய சிந்தனைகளிலிருந்து விலகி ஓடுகிறது.

ஈ நெருப்பில் அமர்ந்தால் அழிந்துவிடும். அதுபோல, மனம் இறைவனிடம் முழுமையாக நிலைத்துவிட்டால், அந்த மனமே அழிந்துவிடுகிறது. ஏனெனில், மனம் என்பது ஆசைகளால் பின்னப்பட்ட ஒரு வலை போன்றது. அந்த வலையின் நீள்நூலும் குறுக்குநூலும் ஆசைகளே!

இறைவன் மனதை முழுமையாக ஆட்கொள்ளும்போது, ஆசைகள் மறைந்துவிடுகின்றன. உண்மையில், ஆசைகளே மனத்தின் அடிப்படைப் பொருளாக இருப்பதால், இறைவன் மனத்தை முழுமையாக ஆக்கிரமிக்கும்போது, மனம் என்ற ஒன்றே இல்லாமல் போகிறது. அந்நிலையில்தான் மனிதன் உண்மையான விடுதலையை அடைகிறான்.

எனவே, நமது மனத்தை இறைச்சிந்தனையில் நிலைநிறுத்தி, தீய எண்ணங்களையும் ஆசைகளையும் களைந்து, சகிப்புத்தன்மை, அமைதி, உண்மை போன்ற நற்பண்புகளை வளர்த்துக்கொள்வோம். நம் இதயத்தையே பிரசாந்தி நிலையமாக மாற்றி, மன விடுதலையைப் பெறுவோம்.

சுறுசுறுப்பாக இயங்கிய ஜப்பான்! விறுவிறுப்பாக தொடர்ந்த பயணம்!! தொடர்- 19…..சங்கர சுப்பிரமணியன்.

மறுநாள் பொழுது புலர்ந்தது. இன்று ஜப்பானை விட்டு விடைபெற வேண்டும் என்று நினைக்கும் போது திரும்ப இந்த நாட்டுக்கு வருவோமா என்ற ஒரு ஏக்கம் எனக்கு ஏற்பட்டது. தமிழ்நாட்டின் தென்பகுதியான நெல்லையிலுள்ள ஒரு கிராமத்தில் பிறந்து அதைவிட சிறு கிராமமான ஒரு குக்கிராமத்தில் தாய்வழித் தாத்தா வீட்டில் வளர்ந்த நான் ஆகாய விமானத்தை உள்ளங்கை அளவில் வானில் பார்த்து வியந்திருக்கிறேன்.

எப்போதாவது அப்படி செல்லும் விமானத்தின் சத்தம் காதில் விழும். அப்படி விழும்போது பகலில் வீட்டுக்குள் சாப்பிட்டுக் கொண்டிருந்தால் சாப்பாட்டை பாதியிலேயே விட்டு வெளியே ஓடிவந்து பார்ப்பதை வாடிக்கையாக கொண்டிருந்தேன். சில சமயம் இரவு நேரங்களில் விமானம் சென்றால் மின்மினிப் பூச்சி போன்ற வெளிச்சம் மட்டுமே தெரியும்.

அப்படித் தெரியும் வெளிச்சம் உண்மையிலேயே விமானத்தின் வெளிச்சமா அல்லது விண்மீனா என்று விளங்கிக் கொள்ள முடியாத வயது. நாம் ஒரு நிலையில் இருக்கும்போது அதைவிட உயர்ந்த நிலையைக் காணும்போது வியப்பு வருவது இயல்பு அல்லவா? அப்படித்தான் குக்கிராமத்தில் இருந்த நான் ஒரு நகரத்துக்கு புலம்பெயராமல் எடுத்த எடுப்பிலேயே பெருநகரான பெங்களூருக்கு புலம்பெயர்ந்ததும் ஏற்பட்டது.

ஒரு நாட்டிலிருந்து இன்னொரு நாட்டுக்கு புலம்பெயரும் போது
கலாச்சார அதிர்ச்சி ஏற்படும் என்று அறிவோம். ஆனால் நான் உள்நாட்டிலேயே ஒரு குக்கிராமத்தில் இருந்து ஒரு பெரிய நகரத்துக்கு புலம்பயர்ந்தபோது அந்த கலாச்சார அதிர்ச்சியை உணர்ந்தேன். அது ஒரு வகையான அதிர்ச்சி என்றால் நான் மெல்பனுக்கு புலம்பெயர்ந்ததும் வேறுவிதமான அதிர்ச்சியாக இருந்ததேயன்றி என்னை நிலைதடுமாற வைக்கவில்லை.

மேலும் வாசிக்க

ஜானகி சபதம் - பொன் விழா ஆண்டில் இந்த படங்கள் - ச. சுந்தரதாஸ்

தமிழ் திரையுலகில் கண்ணதாசன் பாட்டு சாம்ராஜ்யம் நடத்திக் கொண்டிருந்த காலத்தில் பல பாடலாசிரியர்கள் புதிதாக திரையுலகில் பிரவேசித்துக் கொண்டிருந்தார்கள். வாலி, ஆலங்குடி சோமு, திருச்சி தியாகராஜன், பூவை செங்குட்டுவன் , புலமைப்பித்தன் என்ற வரிசையில் அறிமுகமானவர் அவினாசிமணி. இவர் ஆரம்பதில் கண்ணதாசனின் உதவியாளராக திரையுலகில் அடியெடுத்து வைத்தார். கண்ணதாசன் பாடல்களை சொல்ல சொல்ல எழுதுவது இவரின் வேலை. ஒரு முறை அவசர அவசரமாக பாடல் தேவை என்ற போது காரில் வைத்து கண்ணதாசன் பாடலை சொல்ல ஒரு சிகரெட் பெட்டியின் அட்டையில் இவர் பாடலை குறித்துக் கொண்டார். அந்தப் பாடல்தான் ஆசையே அலை போலே நாமெல்லாம் அதன் மேலே பாடல். 

 எம் ஜி ஆரின் அடிமைப் பெண் படத்துக்கு அவினாசிமணி இயற்றிய

காலத்தை வென்றவன் நீ பாடல் இவருக்கு திரை அடையாளத்தை ஏற்படுத்தியது. தொடர்ந்து ஒளி பிறந்த போது மண்ணில் உயிர்கள் பிறந்ததம்மா பாடல் இவர் மீது ஒளியை பாய்ச்சியது . அதே சமயம் இவர் இயற்றிய கற்பூர நாயகியே கனக வல்லி எல் .ஆர் . ஈஸ்வரி குரலில் பட்டி தொட்டி எல்லாம் பரவியது. 

இப்படி கவிஞராக பேர் பெற்றுக் கொண்டிருந்த அவினாசிமணி திடீரென உதவி டைரக்டராக உரு மாறினார். ப . நீலகண்டனிடம் உதவி இயக்குனராக சேர்ந்து சில படங்களில் பணியாற்றினார். 1975 ம் ஆண்டு அதிர்ஷ்டம் கதவைத் தட்டியது. ஆயிரத்தில் ஒருத்தி படத்தை டைரக்ட் செய்யும் வாய்ப்பு கிட்டியது. தொடர்ந்து 1976ல் ஜானகி சபதம் படத்தை இயக்கும் சந்தர்ப்பம் கிடைத்தது. 

கிராமத்தில் கர்ணமாக பணிபுரியும் ஜானகி , ராஜன் இருவரும் காதலர்கள். இருவருக்கும் கல்யாணம் நடக்கப் போகும் தினத்தில் போலீசார் ராஜனை கைது செய்கிறார்கள். அவசர பணத் தேவைக்கு ஜானகி மாதிரி போலி கையெழுத்து போட்டு பணத்தை அவன் திருடியதே கைதுக்கு காரணம் . ஜானகி அவனை காப்பாற்ற மறுத்து விடுகிறாள் . சில காலம் கழித்து அதே ஊருக்கு பணக்காரனாக திரும்பி வருகிறான் ராஜன் . தன்னை காப்பாற்றாமல் கை விட்ட ஜானகியை சமாதானப் படுத்தி அவளை மணப்பதே அவன் நோக்கம். ஆனால் ஜானகி மறுத்து உதாசீனப் படுத்தி விடுகிறாள். இதன் காரணமாக கிராமத்துக்கு நல்லது செய்ய நினைத்து புதிதாக ரோடு போட தீவிரம் காட்டும் ஜானகியின் முயற்சிக்கு முட்டுக் கட்டை போடுகிறான் ராஜன். இதன் காரணமாக ஜானகியின் தங்கை கௌசல்யாவின் இல்வாழ்வும் பாதிக்கப் படுகிறது. ஜானகி தன் சபதத்தில் வென்றாளா என்பதே படத்தின் மீதி. 

மேலும் வாசிக்க

கொழும்புவில் தியாகச்சுடர் திப்பு சுல்தான் நூல் வெளியீடு

கொழும்பு :

இலங்கை தலைநகர் கொழும்புவில் இஸ்லாமிய இலக்கிய கழகத்தின் சார்பில் ஈரோடு எம்.கே. ஜமால் முஹம்மது எழுதிய 'தியாகச்சுடர் திப்பு சுல்தான்' நூல் வெளியிடப்பட்டது.

இந்த விழாவில் பிரபல ஊடகவியலாளர் மற்றும் மனித உரிமை ஆர்வலர் முர்ஷிதீன் , தொழிலதிபர் இப்ஹம், சமூக சேவகி சியாமா பாத்திமா மற்றும் துபாய் ஊடகவியலாளர் முதுவை ஹிதாயத் உள்ளிட்டோர் பங்கேற்றனர்.

அப்போது பேசிய சமருதீன், திப்பு சுல்தான் 18-ஆம் நூற்றாண்டில் 1782 முதல் 1799 வரை மைசூர் ராஜ்ஜியத்தை ஆண்ட ஒரு வலிமைமிக்க இந்திய ஆட்சியாளர் ஆவார். பிரிட்டிஷ் கிழக்கிந்திய நிறுவனத்திற்கு எதிராகத் தொடர்ந்து போரிட்டதால், இவர் "மைசூர் புலி" என்று பரவலாக அழைக்கப்படுகிறார். அவர் குறித்த நூலை கொழும்புவில் வெளியப்படுவது மகிழ்ச்சியளிக்கிறது.

இந்த நூலை அனைவரும் படித்து பயன்பெற வேண்டும் என்றார்.

நிகழ்வில் முதுபெரும் ஊடகவியலாளர் அஹ்மட் அய்யூப் உள்ளிட்டோர் பங்கேற்றனர்.

இலங்கைச் செய்திகள்

ஹெய்ட்டியில் குற்றக்குழு ஒழிப்புப் படையில் இணையும் இலங்கை பாதுகாப்பு படையினர்!

ஞானசார தேரரை விடுதலை செய்யக்கோரி விகாரமகாதேவி பூங்காவில் தொடரும் தேரர்களின் சத்தியாக்கிரகப் போராட்டம்

வெளிநாட்டுப் பயணத் தடையை நீக்குமாறு கோரி கோட்டாபய ராஜபக்ஷ மனுத் தாக்கல்

வடக்கு கிழக்கில் வனவளத் திணைக்களத்தின் கட்டுப்பாட்டில் உள்ள சுமார் 2 இலட்சம் ஏக்கர் காணிகளை விடுவிப்பதற்கான பரிந்துரை; சுற்றுச்சூழல் அமைச்சர் கலாநிதி தம்மிக்க படபெந்தி

சிறைச்சாலைகளுக்குள் தேரர்கள் அணியும் ஆடை தொடர்பில் புதிய சுற்றறிக்கை இவ்வாரத்துக்குள் வெளியாகும் 

ஹெய்ட்டியில் குற்றக்குழு ஒழிப்புப் படையில் இணையும் இலங்கை பாதுகாப்பு படையினர்! 

17 Oct, 2026 | 10:32 AM

ஹெய்ட்டியில் முன்னெடுக்கப்பட்டு வரும் குற்றக்குழு ஒழிப்புப் படை அமைதிப்பணிப் நடவடிக்கைகளில் இணைவதற்காக, இந்த வாரம் 498 மேலதிக இலங்கை பாதுகாப்புப் படையினர் அனுப்பி வைக்கப்பட்டுள்ளதாக பாதுகாப்பு அமைச்சு தெரிவித்துள்ளது.

இதன்படி, இலங்கை இராணுவத்தைச் சேர்ந்த 173 சிப்பாய்கள் மற்றும் விசேட அதிரடிப்படையைச் சேர்ந்த  45 உறுப்பினர்கள் உள்ளடங்கலாக 218 பேரைக் கொண்ட குழுவொன்று நேற்று வெள்ளிக்கிழமை (16) நாட்டிலிருந்து புறப்பட்டுச் சென்றது.

இதற்கு முன்னர், 21 அதிகாரிகள் மற்றும் 259 சிப்பாய்கள் உள்ளடங்கலாக 280 இராணுவப் படையினர் அடங்கிய மற்றுமொரு குழு அக்டோபர் 14 ஆம் திகதி ஹெய்ட்டி நோக்கிப் புறப்பட்டதைத் தொடர்ந்து இந்த புதிய Deployment மேற்கொள்ளப்பட்டுள்ளது.

மேலும் வாசிக்க

உலகச் செய்திகள்

ஏமனின் ஏடன் விமான நிலையம் மீது ஏவுகணைத் தாக்குதல்: பதற்றம் அதிகரிப்பு

ஜேர்மனி விமான நிலையத்தில் 90க்கும் மேற்பட்ட விஷப்பாம்புகள், பல்லிகளுடன் சென்ற நபர் தடுத்து நிறுத்தம்

கடலுக்கடியில் நீர்மூழ்கிக் கப்பலிலிருந்து ஏவுகணை சோதனை நடத்தியது வடகொரியா ; அமெரிக்க, தென்கொரிய நாடுகளிடையே பதற்றம்

அமெரிக்காவில் இந்து வழிபாட்டுத் தலத்தில் தாக்குதல் நடத்தத் திட்டம்: 19 வயது இளைஞர் கைது

ராமலீலா விழாவில் கரப்பான்பூச்சி உருவ பொம்மையை எரிக்க தீர்மானம் - பின்னணி என்ன?  

ஏமனின் ஏடன் விமான நிலையம் மீது ஏவுகணைத் தாக்குதல்: பதற்றம் அதிகரிப்பு

17 Oct, 2026 | 12:36 PM

ஏமனின் துறைமுக நகரமான ஏடனில் அமைந்துள்ள விமான நிலையத்தை இலக்காகக் கொண்டு இரண்டு ஏவுகணை தாக்குதல்கள் மேற்கொள்ளப்பட்டுள்ளதாக தெரிவிக்கப்படுகிறது. இந்தத் தாக்குதலுக்கு இதுவரை எந்தத் தரப்பும் பொறுப்பேற்கவில்லை.

இந்தத் தாக்குதலுக்குப் பின்னால் ஈரானின் ஆதரவைப் பெறும் ஹவுதி கிளர்ச்சியாளர்கள் இருப்பதாக ஏமன் பொலிஸார் குற்றஞ்சாட்டியுள்ளனர். ஒரு வாரத்திற்குள் ஏடன் விமான நிலையம் மீது நடத்தப்பட்டுள்ள இரண்டாவது தாக்குதல் இதுவாகும்.

ஈரானுடன் தொடர்புடைய பிராந்திய மோதல்கள் தீவிரமடைந்து வரும் சூழலில் இந்தத் தாக்குதல் இடம்பெற்றுள்ளது. ஹவுதி கிளர்ச்சியாளர்கள் அண்டை நாடான சவுதி அரேபியாவையும், சவுதியின் ஆதரவைப் பெறும் ஏமனின் சர்வதேச அங்கீகாரம் பெற்ற அரசாங்கத்தையும் இலக்காகக் கொண்டு தாக்குதல்களை முன்னெடுத்து வருகின்றனர்.

மேலும் வாசிக்க

ETA பெருமையுடன் வழங்கும் தொண்டு நிதி திரட்டும் இரவு விருந்தும் நடன நிகழ்ச்சியும் 24/10/2026

 

'கம்பன் புகழ்பாடிக் கன்னித்தமிழ் வளர்ப்போம்' அவுஸ்திரேலியக் கம்பன் விழா 2026

 

அவுஸ்திரேலியக் கம்பன் திருநாள்-2026  பேரன்புடைய தமிழ் அன்பர்களுக்கு, வணக்கம். அவுஸ்திரேலியக் கம்பன் திருநாளானது, இராமன் கருணை, அனுமன் அருள், கம்பன் துணை, குருநாதர் ஆசியுடன், சிட்னியில் மாண்புற அரங்கேறவுள்ளது. தாங்கள் அன்புபாராட்டி, எம் அழைப்பையேற்று வருகைதந்து, சிறப்புச் செய்யவேண்டும் என, பணிவன்போடு வேண்டுகின்றோம். இளையவர்களையும் அழைத்து வாருங்கள்! தயைகூர்ந்து இவ் விழா அழைப்பு மடலை, தங்கள் நண்பர்களோடு பகிர்ந்து, அவர்களையும் இணைக்க உதவுங்கள் எனப் பணிந்து வேண்டுகின்றோம். தங்கள் ஆதரவு என்றும் எமக்காகுக. நன்றி. -அவுஸ்திரேலியக் கம்பன் கழகத்தினர்- அனுமதி இலவசம்.   சிட்னியில் கம்பன் விழா நிகழ்வுகள் பின்வரும் நாட்களில் நடைபெறும்: வெள்ளிக்கிழமை, அக்டோபர் 30, 2026 சனிக்கிழமை, அக்டோபர் 31, 2026 ஞாயிற்றுக்கிழமை, நவம்பர் 1, 2026 இடம்: Redgum Function Centre, Wentworthville இந்தச் சிறப்புமிக்க விழாவை உங்களுடன் இணைந்து கொண்டாட ஆவலுடன் காத்திருக்கிறோம்!

மேலும் வாசிக்க

கலைத் தெரி அரங்கம் 2026

 

கம்பன் தமிழ் இலக்கிய விழாவின் சிறப்பு நிகழ்ச்சி

கம்பன் கழகம் ஆஸ்திரேலியா
தனது 20ஆம் ஆண்டு நிறைவைக் கொண்டாடும் இவ்வேளையில், கலை மற்றும் கலாசாரத்தின் சிறப்பைப் போற்றும் கலைத் தெரி அரங்கம் 2026 நிகழ்ச்சிக்கு உங்களை அன்புடன் அழைக்கிறது!

இசையும் நடனமும் இணைந்து, நமது பாரம்பரியக் கலைகளின் அழகையும் பெருமையையும் பறைசாற்றும் இனிய கலைவிழா!

இந்தியாவிலிருந்து வருகைதரும் புகழ்பெற்ற பரதநாட்டியக் கலைஞரும், சிட்னியின் சிறப்புமிக்க பரதநாட்டியப் பள்ளிகளில் ஒன்றும் வழங்கும் கண்கவர் நடன நிகழ்ச்சிகளைக் கண்டு மகிழுங்கள்.

✨ இரண்டு சிறப்பான நடன நிகழ்ச்சிகள்!
🌺 கலையும் பாரம்பரியமும் சங்கமிக்கும் ஓர் அரிய அனுபவம்!

📅 நாள்

ஞாயிற்றுக்கிழமை, 1 நவம்பர் 2026

🕤 நேரம்

காலை 9.30 மணி – மதியம் 12.30 மணி

📍 இடம்

Redgum Function Centre
2 Lane Street, Wentworthville, NSW

🎟️ நுழைவுக் கட்டணம்

• தனிநபர்: $20

• குடும்பம்: $60 (2 பெரியவர்கள் + 12 வயதுக்குட்பட்ட 2 குழந்தைகள்)

மேலும் வாசிக்க

நவம்பர் 15- 11- 26 மாலை 3-30, மாத்தளைசோமுவின் இரு நூல் வெளியீடு Wentworth Ville community Centre, Graville room, (redgum center)

 

கர்ணன் – விதியைத் தாண்டி 06/12/2026

 

டிசம்பர் 6 | மாலை 4:30 மணி – இரவு 9:00 மணி

நுழைவுக் கட்டணம்: A$45.00 – A$150.00

கர்ணன் – விதியைத் தாண்டி: மறுவடிவம் பெறும் தலைவிதி

கர்ணனின் வலிமைமிக்க வாழ்க்கைக் கதையைப் பரதநாட்டியம், அசல் இசை, உணர்வுகளை வெளிப்படுத்தும் நடன அமைப்பு மற்றும் நாடக வடிவிலான கதைசொல்லல் ஆகியவற்றின் மூலம் உயிரோட்டத்துடன் மேடைக்குக் கொண்டுவரும் ஒரு சிறப்பான கூட்டு நடன நிகழ்வாகும் கர்ணன் – விதியைத் தாண்டி: மறுவடிவம் பெறும் தலைவிதி.

மெல்பேர்ன் நாட்டியாலயா நடனப் பள்ளியின் திருமதி உஷாந்தினி ஸ்ரீபத்மநாதன் (நாட்டிய கலா ரத்னம்) மற்றும் லயதாண்டவம் பரதநாட்டிய நடனப் பள்ளியின் திருமதி ரம்யா ஸ்ரீஷ்யாம் ஆகியோரால் வழங்கப்படும் இந்நிகழ்ச்சி, விதி, அடையாளம், விசுவாசம் மற்றும் தியாகம் ஆகிய கருப்பொருள்களைப் புதிய கலைநோக்கில் ஆராய்கிறது.

இந்நிகழ்ச்சிக்கான இசையை அகிலன் சிவானந்தன் அமைத்துள்ளார். பாடல் வரிகளைப் பேராசிரியர் முனைவர் மௌனகுரு சின்னையா எழுதியுள்ளார். இந்நிகழ்ச்சியின் அடிப்படைக் கருத்தைத் திருமதி ரம்யா ஸ்ரீஷ்யாம் மற்றும் முனைவர் ஸ்ரீஷ்யாம் ஸ்ரீபாலச்சந்திரன் ஆகியோர் உருவாக்கியுள்ளனர். நடன அமைப்பு, படைப்பாற்றல் மிக்க வழிநடத்தல் மற்றும் கருத்தாக்கம் ஆகியவற்றைத் திருமதி உஷாந்தினி ஸ்ரீபத்மநாதன் மேற்கொண்டுள்ளார்.

இலங்கையில் பாதிப்புக்குள்ளாகும் மக்களின் வாழ்வில் நீடித்த, நேர்மறையான மாற்றங்களை ஏற்படுத்தும் நோக்கில் செயல்படும் வன்னி ஹோப் (Vanni Hope) அமைப்பிற்கு ஆதரவளிக்கும் வகையில் இந்நிகழ்ச்சி ஒரு தொண்டு நிதி திரட்டும் நிகழ்வாக ஏற்பாடு செய்யப்பட்டுள்ளது.

கலை, கலாசாரம், கதைசொல்லல் மற்றும் நடனம் ஆகியவற்றை ஒருங்கிணைக்கும் இந்த மறக்க முடியாத மாலைப் பொழுதில் கலந்துகொண்டு, ஒரு சிறந்த சமூக நோக்கத்திற்கும் உங்கள் ஆதரவை வழங்குங்கள்!

அரசியல் ஆய்வாளரும் சட்டத்தரணியும் ஆசிரியருமான சி.அ. ஜோதிலிங்கம் அவர்களின் மறைவுக்கு தமிழ்முரசு அவுஸ்திரேலியாவின் அஞ்சலிகள்

 அரசியல் ஆய்வாளர், சட்டதரணி , ஆசிரியர் , சமூக சேவையாளர்

சோதிலிங்கம் இறந்து விட்டார் என்ற செய்தியை கேட்டதும் உண்மையிலேயே மனவருத்தமாக இருந்தது. நான் இலங்கைக்கு செல்லும்போதெல்லாம் அவரிடம் சென்று அவரைப் பார்த்து அவரோடு பேசிக் கொண்டிருப்பது வழமை, ஆரம்ப காலத்தில் விடுதலைப் போராட்ட காலத்தில் இருந்தே ஒரு சிறு பழக்கம். மீண்டும் நீண்ட வருடங்களுக்குப் பின்பு சந்திப்பு, ஒருவரை ஒருவர் அடையாளம் காணமுடியாத தோற்ற வேறுபாடுகள் ஆனால் சிந்தனை ஒன்றாகவே இருந்தது.   அண்மை காலங்களாக அவருடைய சிந்தனை மக்களுக்கு எப்படி ஒரு நல் வாழ்வை எடுத்துக் கொடுக்க முடியும் என்ற சிந்தனையாகவே தொடர்ச்சியாக இருக்கும். ஒவ்வொரு முறையும் நான்  சென்று அவரிடம் உரையாடிக் கொண்டிருக்கின்ற பொழுது அவர் சொல்லுகின்ற விடயங்கள், எங்களுடைய தமிழ்த்  தலைமைகள் ஒன்றுபட்டு செயல்பட மறுக்கின்றது, மக்களுக்காக என்ன செய்ய வேண்டும் என்பதில் கூட ஒன்றுபட மறுக்கின்றார்கள், இவர்கள் அனைவரும் ஒன்றுபட்டால் மட்டும்தான் நம்முடைய மக்களுக்கு நல்வாழ்வு கிடைக்க முடியும். ஏனென்றால் சிங்கள இனவாத தலைமைகள் எப்போதுமே பௌத்த சிங்கள, இன, மத வாதத்தை மேற்கொண்டு நடக்கின்றவர்கள் ஆகவே அவர்கள் ஒருபோதும் தமிழ் மக்களுடைய தேவைகளை பூர்த்தி செய்ய மாட்டார்கள். அதற்கு ஏற்றது போல் எங்களுடைய தமிழ்த்  தலைமைகளும் பிரிந்து நின்று கொண்டு ஆளுக்கு ஒரு பக்கமாக, ஆளுக்கு ஒரு விடயத்தை பேசிக் கொண்டிருப்பதும், அவர்களோடு சேர்ந்து கொண்டு தங்களுக்கு தேவையான விடயங்களை பெற்றுக் கொண்டிருப்பதும் நமது மக்களுக்குரிய விடிவைக் கொண்டு வர முடியாது. தமிழ்ப் பொது அமைப்புக்கள்  சேர்ந்து இவர்களை ஒரு வரையறைக்குள் கொண்டுவர வேண்டும் இதுதான் தன்னுடைய சிந்தனையென்றே கூறிக் கொண்டிருப்பார். இதிலிருந்து நான் வேறு கருத்துக் கொண்டவன் என்றாலும் அவரோடு நட்போடு பேசலாம் .

கடைசித்  தடவை நான் அங்கு சென்றபோது, நாங்கள் உரையாடிக்

கொண்டிருக்கின்ற போது நான் கேட்கின்றேன்.  அனுரகுமார திசநாயக்க ஜனாதிபதியாக இருகின்றார், அவருடைய  அரசாங்கம் ஒரு இடதுசாரி கொள்கைகளை முன்வைக்கின்ற அரசாங்கம் இந்த அரசாங்கத்தோடு தமிழ் தலைமைகள் கூட்டடாக  பேசினால் ஓரளவுக்காவது எங்களுடைய பிரச்சனைகளை கேட்பதற்கு முன்வருவார்களே என்று நான் கேட்டபோது அவர் கூறிய விடயம்,  இந்த பௌத்த மதவாதிகள் சிங்கள இனவாதிகள்   இருக்கும் வரைக்கும் அது எந்த அரசாங்கமாக இருந்தால் என்ன, எங்களுடைய எங்களுக்கு தேவையான அல்லது எங்களுக்கு தரப்பட வேண்டிய உரிமைகளை தர மாட்டார்கள் என்று ஆணித்தரமாக எடுத்துப் போடுவார். அப்ப இதற்கு என்ன மறுமொழி என்று கேட்டால் அவர் முன்வைக்கின்ற ஒரு விடயம், அரசியல்வாதிகள் மக்களுக்கு தலைமை தாங்க கூடாது, பொது சன அமைப்புகள் உடைய தலைமை அரசியல்வாதிகளை முன்னெடுத்துச் செல்வதாக இருக்க வேண்டும் என்று கூறுவார். அவர் கூறுவது போலவே அவர் மக்கள் அமைப்புகளோடு கூடுதலாக செயல்பட்டு வந்தவர், அது மட்டுமல்ல நீண்ட காலமாக இந்த தமிழ் பிரச்சினைகளைப் பற்றி, மக்களுக்கு எதிரான அரசாங்கங்களுடைய நடவடிக்கைகள் பற்றி சேகரித்த பல விடயங்களை, எழுத்துக்களை பத்திரிகை துண்டுகளை பெட்டகம் என்ற அமைப்பு ஊடாக சேமித்து  வைத்திருக்கின்றார். அதற்காக தனி ஒரு மனிதனாக இருந்து தொடர்ந்து பாடுபட்டுக் கொண்டிருந்தவர். 

மேலும் வாசிக்க

அண்மையிலே சிவபதம் எய்திய சபாரத்தினம் சிவாசாரியார் அவர்களுக்கு ஒரு கவிதை அஞ்சலி!

 

அஞ்சலிக் கவிதை

 

நனவினிலே நானுன்னை நற்கவியால்; வாழ்த்திவந்தேன்

நனிசிறந்த வுன்வாழ்த்தைச் சுவைத்தவண்ணம் தூங்கிவிட்டேன்

கனவினிலே துயிலெழுப்பி; அஞ்சலிக்கா கவிகேட்டாய்?

கண்ணிரண்டை நீர்மறைக்கக் கனத்தநெஞ்சோ டெழுதுகிறேன்

 

 

   மருகியவள் விருந்திடவென் மைந்தனவன் இல்லத்தில்

   விருந்தினனாய்த் தங்கிச்சிவ ஞானபோதம் கற்பித்தாய்!

   அரும்பேறு பெற்றுயர்ந்த மாணவர்கள் தவித்தேங்கப்

   பெரும்பேறாய்ப் பிறவாப்பே ரின்பநிலை அடைந்தனையோ?

 

 

   மண்ணிலுழல் எம்மவர்கள் மறுமையிலும் உய்வடைய

   எண்ணரிய ஆனந்த நூல்தேர்ந்து பொருளுரைத்தாய்

   எண்பதொடு நான்ககவை எய்தியதும் சிவகுருவே

   கண்ணுதலான் பேரின்பக் கழல்நாடிக் கலந்தனையே!

மேலும் வாசிக்க