கந்தசஷ்டிச் சிந்தனைகள் - மகாதேவ ஐயர் ஜெயராமசர்மா

 .

   மகாதேவ ஐயர் ஜெயராமசர்மா
     மேனாள் தமிழ் மொழிக் கல்வி இயக்குநர் 
      மெல்பேண்   ….. அவுஸ்திரேலியா



சந்ததமும் செந்தமிழால் சிந்து கவிபாட
செந்திருவே கந்தவேளே என்றுந் துணைநீயே
வந்தவினை போயகல வைத்திடுவாய் வேலா
வருகின்ற வினைகளையும் அழித்திடுவாய் வேலா 

அசுரராய் பலபேரும் ஆகுகிறார் முருகா
அறமற்ற அத்தனையும் ஆற்றுகிறார் முருகா
தருமதை மனமேற்றா வாழுகிறார் முருகா
தவறிழைப்பார் திருந்திவிட வைத்திடுவாய் முருகா

கலியுகம் உய்யவே அவதாரம் எடுத்தாய்
கருணையின் உருவாகி இருக்கிறாய் கந்தா
அழுகையும் அவலமும் அவனியில் பெருகுது
அரனார் மைந்தா அனைத்தையும் அகிற்றிவிடு 

அன்போடி மறைகிறது அரவணைப்பும் குறைகிறது
நானென்னும் அகங்காரம் தலைவிரித்து நிற்கிறது
வேலோடு வந்தவனே வேரோடு வெட்டுவிடு
வேலவனே வேண்டுகிறோம் வெளிச்சத்தைக் காட்டிவிடு ! 
                           
கனலாகி வந்தாய்  மலர்தேடி அமர்ந்தாய்
கார்த்திகைப் பெண்கள் கரஞ்சேர இணைந்தாய்
சிவனாரின் மைந்தன் ஆகியே நின்றாய்
சிறப்பான அவதாரம் எடுத்துமே வந்தாய்

தேவரைக் காத்திட அவதாரம் எடுத்தாய்
தேசமே வணங்கிடும் தெய்வமும் ஆகினாய்
கலியுகம் முழுவதும் காத்திடும் கடவுளாய்
ஆகியே இருக்கிறார் அரனாரின் மைந்தனே

வரமுடை  சூரரின் அளவிலாக் கொடுமையால்
வாடிய தேவரைக் காத்திட வந்தனை
தேவரைக் காத்தாய் தெளிவினைக் கொடுத்தாய்
மாறாத சூரரை மாற்றியே விட்டாய் 

ஆணவம் போக்கினாய் அஞ்ஞானம் நீக்கினாய்
அருளிடும் பாங்கிலே அனைத்தையும் ஆற்றினாய்
அழித்திடும் வேலினை அற்புதம் ஆக்கினாய்
ஆதலால் வேலவன் ஆகியே நிற்கிறாய்  ! 

                                                            
       காவடி என்றதும் கந்தனே தெரிகிறாய் 
       சேவடி நாடியே யாவரும் வருகிறார்
       மாவடி போற்றிட வாழ்த்தியே பாடுறார்
       மாபெரும் ஜோதியாய் வந்தவன் நீயன்றோ 

Tapasya Academy of Dance படைப்பில் சிட்னியில் அரங்கேறிய மாயவனம் நாட்டிய நிகழ்வு - கானா பிரபா

 .

சிட்னியில் அரங்கேறிய மாயவனம் நாட்டிய நிகழ்வு

ரசனைப் பகிர்வு : கானா பிரபா

 


ஊதா நிறத்தைப் போர்த்திய (Jacaranda) மரங்கள், பகட்டான நீள ஆடையை அணிந்தது போலப் பொங்கிப் பூத்திருக்கும்,  முற்றத்தில் வீற்றிருக்கும் Joan Sutherland அரங்கம்.

மறு வாரத்தில் தீபாவளி தினம் வருகிறது.

 

இங்கே அக்டோபர் 31 ஆம் திகதி தபஸ்யா நடனப் பள்ளியின் “மாயவனம்” எனும் நடன நிகழ்வு,

இயற்கையும், கால நேரமும் கூடி வந்தது போல அமைந்ததொரு நிகழ்ச்சி அரங்கேறுகிறது.

என்னவொரு பொருத்தம் என்று மனம் சொல்லிக் கொண்டு அதே எதிர்பார்ப்போடு நடனப் பள்ளி மாணவர்களின் மேடை நிகழ்வில் ஐக்கியப்படுகிறது.

Tapasya Academy of Dance  இன் நிறுவனர் மற்றும் ஆசிரியரான குரு திருமதி. தர்மினி சுமித்ரன் அவர்களால் நடனப்பள்ளி 2016 இல்  Girraween இல் வெறும் மூன்று சிறுமிகளும், ஒரு கனவும் மட்டுமே கொண்டு ஆரம்பிக்கப்பட்டது.

இலங்கையில் பிறந்து வளர்ந்த தன் பால்ய காலத்திலேயே பரத நாட்டியம் மீது ஈடுபாடுகொண்ட ஶ்ரீமதி தர்மினி சுமித்ரன், திருமதி. அம்பிகாவதி மற்றும் திருமதி. துஷ்யந்தி வேலுப்பிள்ளை ஆகியோரிடம் ஆரம்பகாலப் பயிற்சியைப் பெற்றவர்.  இந்தியாவின் சென்னையில் உள்ள புகழ்பெற்ற 'கலாக்ஷேத்ரா நுண்கலைக் கல்லூரியில்' (Kalakshetra College of Fine Arts) 2008-ஆம் ஆண்டு அங்கு தனது பயிற்சியைத் தொடங்கினார்.

குறும்படம். - ''குடும்பஸ்தன்''

 .

அண்ணன் என்றால் அள்ளிக்கொட்டும் இயந்திரம் என்று வாழும்  தங்கைமாருக்கு ஒரு அண்ணனின் நிலையினை எடுத்துக் கூறும் குறும்படம்.



https://www.facebook.com/100000046698787/posts/29783513391233491/?mibextid=wwXIfr&rdid=ydZglqnwPEBRMB00#

சத்தியம் - பொன் விழா ஆண்டில் இந்த படங்கள் - ச. சுந்தரதாஸ்

 .

சிவாஜியின் ஆரம்ப கால நண்பர்களில் ஒருவர் எஸ் .ஏ .கண்ணன். சிவாஜியின் இளமை காலம் தொட்டு அவருடன் நாடகங்களில் நடித்து வந்தவர் பின்னர் சிவாஜி திரை நடிகரான பிறகு அவரின் பெரும்பாலன படங்களில் சிறிய வேடங்களில் நடித்து வந்தார். ஆனாலும் நாடகங்களை எழுதி அவற்றை இயக்குவதில் தன் திறமையை அவர் வெளிப்படுத்திக் கொண்டிருந்தார். அவ்வாறு அவர் எழுதி இயக்கிய விதி என்ற நாடகம் சத்தியம் என்ற பெயரில் படமானது. 


 யார் யாரையோ எல்லாம் டைரக்டராக்கி அழகு பார்த்த சிவாஜி மிக நீண்ட காலத்துக்கு பிறகு பழைய நண்பனை இப் படத்தின் மூலம் டைரக்டராக்கினார். படத்தையும் தனது சொந்த பட நிறுவனங்கள் ஒன்றின் மூலம் தயாரித்தார். 

 கிராமத்தின் தலைவரான தர்மலிங்கம், கொடுத்த வாக்கை காப்பாற்றுவதிலும் அமைதி காப்பதிலும் பெயர் பெற்றவர். அவரது மனைவி சிவகாமி, படித்த சகோதரன் குமரன் மற்றும் குமரனின் வருங்கால மனைவி வாணி ஆகியோர் மகிழ்ச்சியாக ஒன்றாக வாழ்கின்றனர். குமரனின் கல்லூரித் தோழியும், கிராமத்தின் பெரும் செல்வந்தப் பெண்ணுமான கௌரி, குமரனைக் காதலிக்கிறாள்.

சொக்கநாதன் கௌரியின் பாதுகாவலர் மற்றும் ஒரு வர்க்கப் பாகுபாடு கொண்டவர். ஏழைகள் தன் கட்டுப்பாட்டில் இருக்க வேண்டும் என்பதற்காக அவர்களை ஏழைகளாகவே வைத்திருக்க விரும்புகிறார். அவரது சூழ்ச்சிகளால், ஏழை கிராம மக்களின் வீடுகள் தீக்கிரையாகின்றன. தர்மலிங்கத்தின் அவல நிலையையும் கண்ணீரையும் கண்டு, கௌரி அவர்களின் வீடுகளை மீண்டும் கட்டித் தருவதாகவும், தன்னிடம் உபரியாக உள்ள நிலங்களை அவர்களுக்குக் கொடுப்பதாகவும் உறுதியளிக்கிறாள். இது சொக்கநாதனுக்கு வருத்தத்தை அளிக்கிறது. தனது பதினெட்டாவது பிறந்தநாளில், அவள் சொக்கநாதனைத் தனது முகவர் பதவியிலிருந்து நீக்கி, அவனைத் திசையறியாமல் தவிக்க விடுகிறாள். 

"வேலெடுத்து வினைமுடிப்பாய் வேலவா!" -மெல்போர்ன் அறவேந்தன்

 .





அனுராதபுரத்தில் துறவிகள் போர்க்கொடி

 .





https://www.youtube.com/watch?v=Kesq4rceh0o


நினைவே நீட்சியா? -சங்கர சுப்பிரமணியன்.

 .

எண்ணமே மீண்டும் வந்துமே

தென்றலால் தாலாட்டுவாயா
வண்ணமே வாழ்வாய் மலரவே
வாழ்த்துப் பாடவும் மாட்டாயா

அந்த நினைவால் வந்த சுகமும்
இந்த நாளில் என்னை தினமும்
உந்தன் அன்பில் புதைக்கிறதே

எந்தன் மனமும் அதில் அமிழ்ந்தே
மந்த மாருதமாய் மகிழ்வதை நீ
சிந்தையில் உணர மாட்டாயோ

வெள்ளிக் கிழமை வீதி வலம்வந்து
உள்ளங் கவர்ந்த நாளும் வாராதா
கிள்ளை மொழியை காதும் கேளாதா

வான் நீந்தும் ஆதவனும் ஆழ்கடல்
தன்னில் மூழ்கி மறைவதைப் போல்
உன் நினைவால் நான் மறைவேனோ

பால்நிலா மேகமதில் மூழ்குதல் போல்
வாலைக் குமரியின் உள்ளமதில் மூழ்கி
எல்லையில்லா மகிழ்வை புசிப்பேனா?