பல்லாண்டு வாழ்க - பொன் விழா ஆண்டில் இந்த படங்கள் - ச. சுந்தரதாஸ்

 .

தமிழ் சினிமா உலகில் ஆண்டாண்டு காலமாக உழன்று கொண்டிருக்கும் படத் தயாரிப் பாளர்களுக்கு இல்லாத அதிர்ஷ்டம் திடிரென்று முளைத்த தயாரிப்பாளர்களுக்கு கிட்டி விடுவதுண்டு. அவர்களுள் இருவர் தான் இதயம் பேசுகிறது மணியன், வித்துவான் வே. லஷ்மணன். இவர்கள் இருவரும் எம் ஜி ஆர் எனும் நட்சத்திர நடிகரின் முழு ஆசியினால் படத் தயாரிப்பாளர்களாகி வெற்றி கண்டவர்களாவர். மூன்று வருடங்களுக்குள் மூன்று படங்களை எம் ஜி ஆர் நடிப்பில் தயாரித்த பெருமை இவர்களுக்குண்டு. 


எம் ஜி ஆர் நடிப்பில் இதய வீணை, சிரித்து வாழ வேண்டும், படங்களைத் தொடர்ந்து மூன்றாவதாக இவர்கள் எடுத்த படம் பல்லாண்டு வாழ்க. அதாவது எம் ஜி ஆர் பல்லாண்டு வாழ்க. டய்டிலில் அப்படித்தான் காட்டப் படுகிறது. நியாயம்தானே. எம் ஜி ஆரின் கால்ஷீட்டுக்காக பலர் காத்திருக்க மணியனும், லஷ்மணனும் அனாயசியமாக மூன்றாவது படத்தையும் வெளிட்டார்கள் 1975ம் ஆண்டு. 


ஹிந்தியில் புகழ் பூத்த இயக்குநரான கே. சாந்தாராம் இயக்கி வரவேற்பை பெற்ற தோ ஆங்கேன் பாரா ஹாத் படத்தின் கதைக் கருவை ஏற்று அதன் அடிப்படையில் எம் ஜி ஆர் படமாக உருவாகியிருந்தார்கள். ஒரு சிறைச்சாலை அதிகாரி. கொடூர குற்றவாளிகள் அறுவரை திருத்தி , நல்லவர்கள் ஆக்க முடியும் என்ற இலட்சியத்தில் திறந்த வெளி சிறைச்சாலைக்கு அவர்களை அழைத்துச் செல்கிறார். அங்கே அவர் எதிர் நோக்கும் சவால்கள், ஆபத்துக்கள் , துன்பங்கள் இவற்றை எல்லாம் சமாளித்து எவ்வாறு தன் இலட்சியத்தை அவர் அடைந்தார் என்பதே படத்தின் கதை. 


கடமை, கண்ணியம், கட்டுப்பாடு இம் மூன்றையும் கொள்கையாக கொண்டு இயங்கும் அதிகாரியாக வரும் எம் ஜி ஆர் அப் பாத்திரமாகவே மாறி விட்டார் எனலாம். முரடர்களிடம் அவர் காட்டும் பரிவு, அவர்களின் வெறித்தனத்தை அமைதியாக , பொறுமையாக எதிர் கொள்வது, அகிம்சையை நாடுவது என்று கதா பாத்திரத்துக்கு நியாயம் செய்கிறார் எம் ஜி ஆர். அந்த வகையில் அவர் வாத்தியார் தான். ஆனாலும் படத்தில் சண்டைக் காட்சிகள் இல்லாமல் இல்லை. ஆனால் அதன் காரணம் வேறு. 


தமிழன் அன்று சீனாவில் வணிகம்! தமிழன் இன்று சீனாவில் பயணம்!! தொடர்-1…..சங்கர சுப்பிரமணியன்.

.

எதையும் தொடங்க ஒரு தொடக்கப்புள்ளி வேண்டுமல்லவா? தொடக்கப்புள்ளி என்றால் பிள்ளையார் சுழியோ ஶ்ரீராமஜெயமோ அல்ல. எனது தொடக்கப்புள்ளி சாயனாரா சிங்கப்பூரா என்று சிங்கப்பூரில் இருந்து தொடங்கியது.


இளமைக் காலம் இந்தியாவில் இருந்தபோது பிரபலமான சாயனாரா சிங்கப்பூரா என்ற நான் கேட்ட திரைப்படப் பாடலின் வரிகள் எப்படியாவது சிங்கப்பூர் செல்லவேண்டும் என்ற எண்ணத்தை எனக்குள் விதைத்தது. ஆனால் இப்போது சிங்கப்பூர் எனக்கு புழக்கடை போல் ஆகிவிட அதுவே எனது சீனப் பயணத்துக்கு தொடக்கப்புள்ளியாகவும் ஆனது.

உறவினர் ஒருவரின் திருமணத்துக்காக நானும் மனைவியும் சிங்ஙப்பூர் சென்றபோது ஐந்து நாட்கள் தங்கியிருந்து பின் சீனப் பயணத்தை தொடங்கினோம். உறவினர் திருமணத்துக்கு சிங்கப்பூரில் ஐந்து நாட்கள் தங்க வேண்டுமா என்று எண்ணாதீர்கள். முதல்நாள் வரவேற்பு, மறுநாள் திருமணம் அடுத்த நாள் எங்களுக்கு விருந்து உபசரிப்பு என்று மூன்று நாட்கள் ஓடின.

அவர்கள் திருமணத்துக்கு சிங்கப்பூர் வந்ததற்காக சிங்கப்பூரை எங்களுக்கு சுற்றிக்காட்ட விரும்பினார்கள். அவர்களிடம் நாங்கள் சிங்கப்பூரை எத்தனையோ முறை நன்றாக சுற்றிப் பார்தத்துவிட்டோம் என்று கூறினோம். அதற்கு இப்போது சில ஆண்டுகளுக்கு முன்னர்தான் உருவாக்கிய “க்ளௌவுட் ஃபாரஸ்ட்” மற்றும் “கார்டன்ஸ் பை தி பே”போன்ற சுற்றுலாத் தளங்களை பார்த்திருக்க மாட்டீர்கள் என்று அழைத்துச் சென்றார்கள்.

உண்மையிலேயே நாங்கள் அந்த இடங்களைப் பார்க்கவில்லை. க்ளௌவுட் ஃபாரஸ்ட் என்ற இடத்தில் சில குறிப்பிட்ட நாடுகளிலுள்ள மரம் செடிகள் மற்றும் மலர்ச்செடிகளை வைத்து அழகு படுத்தி இருக்கிறார்கள். அவற்றில் ஆஸ்திரேலியா கார்டனும் அடங்கும். இதனால் பத்து நாட்கள் செல்லவேண்டிய சீனப்பயணம் ஓரு வாரத்துக்குள் முடிந்தது.

இருப்பினும் ஒருசில இடங்கள் தவிர பார்க்க வேண்டிய எல்லா இடங்களையும் பார்த்து முடித்தோம். எல்லா இடங்களையும் பார்த்துவிடவும் முடியாது. ஆஸ்திரேலியாவிலேயே இன்னும் பார்க்க வேண்டிய இடங்கள் நிறைய உள்ளன. ஆசைதீர குடித்தவரும் இல்லை அழுக்கு போக குளித்தவரும் இல்லை என்று யாரோ எங்கோ சொல்லக் கேட்டிருக்கிறேன்.

நீலாவணன் சிறப்பிதழ்' அறிமுக விழா

 .

தென்கிழக்குப் பல்கலைக்கழக மொழித்துறையும் தமிழ்ச்சங்கமும் இணைந்து நடத்திய இலக்கியவெளியின் 'நீலாவணன் சிறப்பிதழ்' அறிமுக விழா 



மவுண்ட் றூயிட் தமிழ் கல்வி நிலையத்தின் 35ம்ஆண்டின் கலைவிழா

 .

                      

மவுண்ட் றூயிட் தமிழ் கல்வி நிலையத்தின்  35ம் ஆண்டின் கலை விழா-2025 St Memorial Hall இல் செப்டம்பர் மாதம் 20ஆம் திகதி சனிக்கிழமை பள்ளியின் அதிபர் திரு. தேவராசா சதீஸ்கரன், மற்றும் நிர்வாகத் தலைவர் திரு. ரோசாந் ரூபன் அருளப்பு  அவர்களின் நெறிப்படுத்தலின் கீழ் மிகவும் சிறப்பாக இடம்பெற்றது. முதலில் சம்பிரதாய நிகழ்வுகளான மங்கள விளக்கேற்றலினை பள்ளியின் அதிபர், திரு.தேவராசா சதீஸ்கரன் அவர்தம் பாரியார் திருமதி.கஜந்தி சதீஸ்கரன் அவர்களும், நிர்வாகத் தலைவர் திரு.ரோசாந் ரூபன் அருளப்பு அவர்தம் பாரியார் திருமதி.ரேணுகா ரோசாந் ரூபன் அவர்களும் அவர்களும், ஆசிரியர் திருமதி. பாமரதி மகேஸ்வரமூர்த்தி, பிரதம விருந்தினரான பள்ளியின் முன்னாள் செயலாளரும் பொருளாளருமான திரு.நோயல் ரொபின்சன், அவர்தம் பாரியார் திருமதி .லெனிட் ரொபின்சன், மற்றும் சிறப்பு விருந்தினர்களான சட்டத்துறை நிபுணரும், Western Sydney பல்கலைக்கழகத்தில் கல்வியாளருமான திருமதி. துர்க்கா ஓவன், councillor for Cumberland city council  திரு .சுஜன் செல்வேந்திரன், ஈஸ்ட்வுட் பள்ளியின் முதல்வர் திரு. பிரபாகர் தியாகராஜா ஆகியோர்களால் ஏற்றி வைக்கப்பட்டது. அதனைத் தொடர்ந்து பள்ளிக்கீதம், தமிழ்த்தாய் வாழ்த்து, அவுதிரேலியா கீதம் ஆகியன இசைக்கப்பட்டது. 


அடுத்து நாம் வாழும் நாட்டின் பூர்வீக மக்களுக்கு மரியாதை செலுத்தப்பட்டு தொடர்ந்து தாயக விடுதலைப் போரில் வீரச்சாவடைந்த மாவீரர்களையும், போராட்டத்தின்பால், உயிர்நீத்த பொதுமக்களையும், நாட்டுப்பற்றாளர்களையும் மாமனிதர்களையும் தமிழர் நிலம், மொழி, கலை, பண்பாடு ஆகியவற்றை பாதுகாப்பதற்காக ஈகைச்சாவடைந்த அனைத்து தமிழ் உறவுகளையும் நினைவு கூர்ந்து 1 நிமிடம் அகவணக்கம் செலுத்தப்பட்டதைத் தொடர்ந்து பள்ளியின் 9ம், 10ம், 11ம் வகுப்பு மாணவர்களால் வரவேற்பு நடனமும். நிர்வாக உறுப்பினர் திருமதி.அனுசா பிரஜீவ் அவர்களால் வரவேற்புரையும் வழங்கப்பட்டது.


திருமந்திரத்தைப் படிப்போம் திருமூலரை நினைப்போம் !

 .

மகாதேவ ஐயர் ஜெயராமசர்மா 

                மேனாள் தமிழ்மொழிக் கல்வி இயக்குநர்
                  மெல்பேண் ..... அவுஸ்திரேலியா

 


   பழமைக்குப் பழமையாய் புதுமைக்குப் புதுமையாய் மூவாயிரம் ஆண்டு வரலாற்றைக் கொண்டது எங்கள் தமிழ் மொழி. இலக்கணத்தை , இலக்கியத்தை , இசையை , நாடகத்தை , சமயத்தை , தத்து வத்தை , அரசியலை , அறவியலை , அறிவியலை - ஆழமாய் , அகலமாய் , நுண்மாண் நுழை புலத் துடன் கொண்டு விளங்கும் பெருமை மிக்க ஒரே மொழி தமிழ் எனபதை மறுத்து விட முடியாது. தமிழ் மொழியில் காணப்படும் ஒவ்வொரு நூல்களுமே - உயரிய பண்பாட்டை , வாழும் வாழ்வியல் முறை களை- பக்குவமாய் பகர்ந்து நிற்பதுதான் மிகவும் உன்னதமாகும். அந்தவகையில் மூவாயிரம் பாடல் களைக் கொண்டதாய் முத்திரை பதித்து நிற்பதுதான் " திருமந்திரம் " ஆகும்.

  இந்தத் திருமந்திரம் தமிழுக்குக் கிடைத்த பெரும் பொக்கிஷமாகும். இதனைத் தத்துவ நூல் என்பதா,   சமய நூல் என்பதா, மருத்துவ நூல் , என்பதா அறிவியல் நூல் என்பதா அல்லது புதுமைக் கருத்துக் களை உரத்துச் சொல்லும் புரட்சி நூல் என்பதா ! இப்படிப் பல நிலையில் பன்முகங் கொண்டதாக இத் திருநூல் அமைந்திருக்கிறது என்றுதான் எண்ணிட வைக்கிறது. அந்த அளவுக்கு தமிழ்ப்  உலகில் திரு மந்திரம் தனித்துவமான ஒரு நூலாக மிளிர்ந்து நிற்கிறது என்பதை மறுத்துரைத்துவிடல் இயலாது.

  திருமந்திரத்தை எமக்களித்த அந்தத் திருவருளாளரைப் பற்றிய செய்தி பெரிய புராணத்தில் சேக்கி ழார் பெருமானால் எடுத்துச் சொல்லப்படுகிறது. திருத்தொண்டர் தொகையினைப் பாடிய சுந்தரமூர்த்தி சுவாமிகள் இவரை " நம்பிரான் " என்று உயர் நிலைப்படுத்தியே அறிமுகம் செய்கிறார் என்பது நோக்க த்தகது. சம்பந்தப் பெருமானை " எம்பிரான் " என்றவர் திருமூலரை " நம்பிரான் " என்று சுட்டுவது மன மிருத்த வேண்டிய கருத்தாகும்.

 திருமூலர் என்பவர் யார் ? அவரின் ஆதி என்ன ? அவரின் மூலந்தான் என்ன ? என்பது பற்றிக் கதைகள் பல இருக்கின்றன. வள்ளுவரைப் பற்றியும் இப்படிப் பல கதைகள் இருக்கின்றன. இங்கு கதைகளைக் கவனத்தில் எடுக்க வேண்டிய அவசியமில்லை என்பதே பொருத்தமாகும். அவர்களால் மக்களுக்கு வழங் கப்பட்ட கருவூலமான நூலே முக்கியமானது என்பதை கவனத்தில் எடுப்பதே சாலச் சிறந்ததாகும்.

    
 " என்னை நன்றாக இறைவன் படைத்தனன்
  தன்னை நன்றாகத் தமிழ் செய்யுமாறே "

துர்காதேவி தேவஸ்தானத்தில் வராகி அம்மனுக்கு லட்ஷர்ச்சனை

 .



  • The Sri Durga Devi Devasthanam is arranging the Laksharchanai to VARAHI AMMAN  
    this Sunday 9th November 2025 from 7:30am onwards.
  • The Laksharchanai is particularly performed for the sake of washing away one's sins and afflictions, for bringing peace, prosperity and happiness along with family togetherness.
  • On this special day, more than 100,000 Archana will be offered our newly Prana Pratisshta Varahi Amman for the welfare and prosperous life of all devotees.
  • We are kindly inviting you to participate by submitting your Name & Nakshatra.
  • Let us unite in prayer to our beloved Varahi Amman for a safe, prosperous and healthy future for everyone.

Sydney Sri Durga Devi Devasthanam

21 Rose Crescent, Regents park, NSW -2143 Ph: (02) 9644 6682 , 04502 09724
https://www.sydneydurgatemple.org/    sydneydurga@gmail.com
Find us at: www.facebook.com/sydneydurga

  • Please forward this email to Your Friends & Relatives  who might be interested.

புரட்சியாளனுக்கு உயிர் முதன்மையன்று! - -சங்கர சுப்பிரமணியன்.

 .


ஒரு கருத்தை மக்களிடம் யார் வேண்டுமானாலும் விதைக்கலாம். நல்ல கருத்தென்றல் முளைக்கும். நல்ல கருத்தல்ல என்றால் என்னதான் உரமிட்டு நீர் பாய்ச்சினாலும் முளைக்காது. முளைக்காது போனாலும் பரவாயில்லை. கருகிவிடும். அதுபோல் எழுத்தாளர்களின் எழுத்தும். இதில் பொழுதுபோக்குக்காக எழுதுபவர்களின் கருத்துக்களை கணக்கிட வேண்டியதில்லை.

ஆனால் புரட்சியாளர்களின் கருத்துக்கள் அப்படிப்பட்டதல்ல. முதலில் புரட்சியாளர்கள் எப்படிப்பட்ட எழுத்தாளர்கள் என்பதைப் பார்க்கவேண்டும். புரட்சிகரமான கருத்துக்களை யார் வேண்டுமானாலும் எப்போது வேண்டுமானாலும் எங்கு வேண்டுமானாலும் விதைத்துச் செல்லலாம்.

இப்படி விதைப்பவர்கள் தன் மனதில் தோன்றிய புரட்சிகரமான கருத்துக்களை பதிவிடுவார்கள். அவ்வளவுதான் அவர்கள் வேலை. அது மக்களிடம் போய்ச் சேர்கிறதா? இல்லையா என்று பார்ப்பது அவர்கள் வேலையில்லை. எழுத்தாளர்களுக்கு ஒரு குறிப்பிட்ட கருத்துத்தான் தோன்றும் என்று குறிப்பிட முடியாது. காதல், வீரம், நகைச்சுவை, கருணை சம்பந்தப்பட் கருத்துக்கள் தோன்றலாம்.

அவ்வாறு தோன்றுகின்ற கருத்துக்களுக்கு ஏற்ப அவ்வப்போது படைப்புகளைத் தந்து செல்வான். அப்படித்தான் புரட்சிகரமான கருத்துக்கள் தோன்றும்போது அதைப் பதிவிடுவார்கள். பத்தோடு பதினொன்று அத்தோடு இதுவும் ஒன்று. அவர்களை புரட்சியாளர்கள் என்று சொல்ல முடியாது.

ஆனால் பன்முகத் தன்மை கொண்ட புரட்சி எழுத்தாளர்களில் புரட்சிக்கென்றே வாழ்ந்தவர்களும் இருக்கிறார்கள் மற்றும் இருந்திருக்கிறார்கள். முண்டாசுக் கவிஞர் பாரதியார் அவ்வாறு இருந்தார். அவர் பக்தி ததும்பவும் எழுதினார் வீரத்துக்கும் எழுதினார். காதலுக்கும் எழுதினார் கருணைக்காகவும் எழுதினார். அதேவேளை புரட்சிக்காகவும் எழுதினார்.

பாரதியார் பருவத்தே பயிர் செய் என்பதற்கிணங்க இந்திய விடுதலைப் போராட்ட விடுதலை வேட்கையை தூண்டும் வண்ணமும் எழுதினார். அதனால் ஏற்படும் பின் விலைவுகளைப்பற்றி எல்லாம் எண்ணிப்பார்க்காமல் எழுதினார். பாரதி வருமானத்துக்காகவோ புகழுக்காகவோ எழுதவில்லை என்பது ஊரறிந்த உண்மை.

அவர் வருமானத்துக்காகவோ புகழுக்காகவோ எழுதியிருந்தால் தான் எழுதியவை அனைத்தையும் நூலாக்கியிருப்பார். ஆனால் அவர் அப்படிச் செய்யவில்லை. அதற்கு சான்றாக அவர் எழுதிய பற்பல கெயெழுத்துப் படைப்புக்கள் இன்னும் அச்சேறாமலேயே இருக்கிறது. இந்திய விடுதலைப் போராட்டக் காலத்தில் தனக்கு ஏன் வம்பு என்று அந்தநேரத்தில் அமைதி காத்திருக்கலாம்.

புரட்சிகரமான கருத்துக்களை அதனால் தனக்கு பாதிப்பு ஏற்படாதபோது பாதுகாப்பான இடத்தில் இருந்து பதறாமல் எழுதலாம். ஆனால் பாரதி தன் குடும்பத்தைக் கூட காப்பாற்றாமல் மனைவியை பக்கத்து வீட்டில் அரிசியைக் கடனாகப் பெறும் சூழ்நிலையில் விட்ட நிலையில் புரட்சிக் கருத்துக்களை விடாது எழுதி வந்தார்.

அதனால் ஓரிடம் விட்டு ஓரிடம் தலைமறைவாக ஓடி ஒளிந்தபடியே வாழ்ந்து வந்தார். அவர் உயிருக்கு பயந்து ஓடி ஒளியவில்லை. அடிமை இந்தியாவுக்கு ஆற்ற வேண்டிய பணிகள் இருந்ததால் தலைமறைவாகவும் இருக்க தேர்ந்தது.

அவன்தான் மனிதன் - பொன் விழா ஆண்டில் இந்த படங்கள் - ச. சுந்தரதாஸ்

 .

ஏனைய நட்சத்திர நடிகர்களுக்கு இல்லாத ஒரு பெருமை சிவாஜிக்கு உண்டு. அதுதான் அவர் நடித்த முதலாவது படமான பராசக்தி, நூறாவது படமான நவராத்திரி, நூற்று இருபத்தைந்தாவது படமான உயர்ந்த மனிதன், நூற்று ஐம்பதாவது படமான சவாலே சமாளி என்பன வெற்றிப் படங்களாகவே அமைந்தன. அந்த வரிசையில் அவரின் நூற்றுஎழுபத்தைந்தாவது படமான அவன்தான் மனிதன் படமும் அவரின் வெற்றிப் பட வரிசையில் இணைந்தது. 



ஆனால் ஆரம்பத்தில் இப் படத்தின் கதை சிவாஜியினால் நிராகரிக்கப்பட்டு , பின்னர் அவர் நடிப்பில் வெளிவந்து வெற்றி பெற்ற படம் என்பது ஒரு சுவாரஸ்யமான விஷயம். தமிழில் பிரபல கதாசிரியராக விளங்கியவர் ஜி . பாலசுப்ரமணியம். இவரின் கதையில் உருவான பாலும் பழமும், ஆலய மணி, அன்னை இல்லம் , பணமா பாசமா, தங்கச் சுரங்கம், முகராசி , போன்ற படங்கள் ரசிகர்களின் வரவேற்பை பெற்ற படங்களாகின. இந்த பாலசுப்ரமணியம் ஒரு சந்தர்ப்பத்தில் சிவாஜியிடம் ஒரு கதையை கூறினார். 



ஒரு கோடிஸ்வரன் சிங்கப்பூரில் காதலித்து திருமணம் செய்கிறான். ஒரு விபத்தில் அவன் மனைவி இறக்க , அந்த அதிர்ச்சியில் இருந்து மீளும் முன்பே அவன் குழந்தையும் இறக்கிறது. மீண்டும் இந்தியா திரும்பி தீப்பெட்டி தொழிற்சாலை நடத்தும் அவன் வாழ்வில் மற்றுமொரு பெண் குறுக்கிடுகிறாள் . ஆனால் அவன் தன் காதலை சொல்லும் முன்பே அவனின் நிறுவனத்தில் வேலை செய்யும் ஒருவனை அவள் மணக்கிறாள். தொடர்ந்து தீப்பெட்டி தொழிற்சாலையில் இடம் பெறும் தீ விபத்தினால் ஓட்டாண்டி ஆகிறான் கோடீஸ்வரன். தொழிற்சாலை ஒடிந்து போகிறது. கோடிஸ்வரன் எல்லாவற்றையும் இழந்து குடிசைக்கு குடி பெயருகிறான். ஆனாலும் அவனின் ஈகை குணம் அவனை விட்டு விலகுவதில்லை. இதனால் மேலும் மேலும் துன்பத்துக்கு உள்ளாகி அவன் உயிர் பறி போகிறது. 

எது விரதம்?

 .




சிவஞானச்சுடர் பல்மருத்துவகலாநிதி

பாரதி இளமுருகனார்

(வாழ்நாள் சாதனையாளர்)

 

 

வண்ணமயில் ஊர்தியிலே வடிவழகன் முருகனவன்

கண்ணனைய வள்ளியொடு கரங்கோத்துத் திருப்பொலியப்

பண்சுமந்த திருமுறையைப் பன்னிரெண்டு செவிகளினால்

விண்ணிருந்து செவிமடுக்கும் வியனுருவைத் தொழுவோமே!

 

சண்முககவ சந்தன்னைச் சந்தமிகு திருப்புகழை 

எண்ணமெலாம் சரவணனை எண்ணிமெய்யு ருகிநிற்ப 

மண்ணில்நல் லவண்ணமவன் வாழவைப்பான் எனநம்பிக் 

கண்ணுதலான் அருள்வடிவின் காதுமாந்த இசைத்திடுவீர்!

 

செம்மைவாழ்வு வாழாது தெரிந்திருந்தும் பலவழியில்

தீங்கியற்றி வருவோரும் செய்பாவம் தீர்த்திடவா

அம்மையப் பரோடவரின் அருட்சத்;தி வெளிப்பாட்டை 

ஆசரித்துப் பத்தரைப்போல் அனுசரிப்பர் விரதங்கள்?. 

 

பிரசாதத்துக்கு நன்றி! - -சங்கர சுப்பிரமணியன்.

 .

தமிழ் இணைத்தது என்று
தலை நிமிர்ந்து இருந்தேன்
அழையா விருந்தாளியாய்
எனை ஆக்கியதேன் தமிழே

தலை மறைவாய் நானில்லை
நிமிர்ந்த பார்வையுடன் நான்
நேரில் நின்றிருந்த போதும்
காணாமல் இருந்ததேன் தமிழே

அருகில் வந்து கை தொழுதேன்
சருகண்டி என்பது திருப்பதியில்
அங்கே அவர் சிலையாக நிற்பார்
முன் நிற்பவர் அப்படி சொல்வார்

இங்கு தமிழே நீ அமைதியானாய்
விரும்பி உன்னை வந்து பார்த்தும்
பராமுகமாய் நீ  ஏன் இருந்தாயோ
குற்றம் தமிழே உன்னிடம் இல்லை

எதிர்பார்த்து நின்றது என் குற்றமே
கோவிலுக்கு வந்தவன் கும்பிடவே
சாமி வந்து பேசுமென்றால் எப்படி
பிரசாதம் தந்ததற்கு மிக்க நன்றி!

-சங்கர சுப்பிரமணியன்.

தமிழ்க் கலை மற்றும் பண்பாட்டுக் கழகம் 15ம் ஆண்டில்

 .

15ம் ஆண்டில் காலடி வைத்து சேவைகள் புரியும் தமிழ்க் கலை மற்றும் பண்பாட்டுக் கழகம் தொடர்ந்து பணிபுரிய தமிழ்முரசு வாழ்த்துகிறது. 



கற்பனை உணர்வு அற்புதம் மனிதர்க்கு !

 .



மகாதேவ ஐயர் ஜெயராமசர்மா 
மேனாள் தமிழ்மொழிக் கல்வி இயக்குநர்
     மெல்பேண் …. அவுஸ்திரேலியா



உள்ள மென்பது உன்னத மாகும்
உள்ள மென்பது ஆலய  மாகும்
உள்ள மென்பது உயிர்ப்பிட மாகும்

உள்ள மென்பதை ஒளியுடை யாக்கு 

உள்ள மிருந்தே கள்ளம் வரும்
உள்ள மிருந்தே உண்மை வரும்
உள்ள மிருந்தே தெளிவும் வரும்
உள்ள மிருந்தே யாவும் வரும்  

கற்பனை யுள்ளம் கதையினைப் பகரும்
கற்பனை  யுள்ளம் கவிபல சொல்லும்
கற்பனை யுள்ளம் களியினைக் கொள்ளும்
கற்பனை யுள்ளம் கண்டிடும் கடவுளை

கற்சிலை கற்பனை கவிதையும் கற்பனை
நாடகம் கற்பனை நாட்டியம் கற்பனை
உரையிலும் உணர்விலும் கற்பனை கலந்தால்
உண்மைப் பொருளைக் காண்பது கடினமே

அருவமே உருவம் ஆகியே இருக்கு
அதுவே கந்தனின் தோற்றமாய் தெரியுது
கற்பனை இங்கே கருப்பொரு ளானது
கநதனின் கற்பனை கடவுளாய் மலர்ந்தது

புராணம் கற்பனை புழுகு மூட்டையே
என்றே சிலரும் இயம்பியே திரிகிறார்
கற்பனை யூடாய் தெரியும் கருவை
கருத்தில் கொண்டால் தத்துவம் விளங்கும்

கற்பனைக் கெட்டா ஒன்றே பரம்பொருள்
கற்பனைக் கடந்த ஜோதியே பரம்பொருள்
ஆதியு மில்லா அந்தமு மில்லா
அனாதியே அந்த ஆனந்தப் பரம்பொருள்

குனித்த புருவமும் கொவ்வைச் செவ்வாயும்
பனித்த சடையும் பவளம்போல் மேனியும்
கடவுளைப் பற்றிய அடியார் கற்பனை
கருத்தில் இருத்தினால் கடவுளே தெரிவார்

திருமுறைப் பாடல்கள் அடியார் கற்பனை
திருந்தா மனத்தைத் திருத்திடும் கற்பனை
உண்மையை உயர்வை உணர்த்திடும் கற்பனை
உளமதைத் தூய்மை ஆக்கிடும் கற்பனை 

கற்பனை உணர்வு அற்புதம் மனிதர்க்கு 
பிறந்தவர் அனைவர்க்கும் கற்பனை உரித்தே
தப்பிதக் கற்பினை தவறினைக் காட்டும்
தரமிகு கற்பனை உயர்வினைச் சேர்க்கும் ! 

கந்தசஷ்டிச் சிந்தனை

 .   


                     

      மகாதேவ ஐயர் ஜெயராமசர்மா 
   மேனாள் தமிழ்மொழிக் கல்வி இயக்குநர்
          மெல்பேண் …. அவுஸ்திரேலியா

 (  4 ம் நாள் )

திருப்புகழ் பாடச் வைத்தவன் முருகன் !

திருப்புகழ் பாடச் வைத்தவன் முருகன்
திருந்திட அருணகிரியைச் செய்தவன் முருகன்
திருப்புகழ் பாடினால் திருந்திடும் நாக்கு
திருப்புகழ் பாடுவோம் சிறந்திடும் வாழ்வு           


மாம்பழம் முருகனை மாற்றியே விட்டது
மாம்பழம் அவனே சுவையும் அவனே
கதையினக் கேட்டுக் கலங்கிட வேண்டாம்
எல்லாம் இறையின் தத்துவம் ஆகும்

கணபதி கந்தனின் சோதரன் ஆவார்
கந்தனின் காதலில் கணபதி உதவினார்
கதையினைக் கதையாய் கேட்டிட வேண்டும்
விமர்சனம் செய்வது வீண்விளை வாகும் !



                    ( 5 ம் நாள் )

அரனின் மைந்தன் ஆலயம் இருப்பார் !

        மகாதேவ ஐயர் ஜெயராமசர்மா 
   மேனாள் தமிழ்மொழிக் கல்வி இயக்குநர்
          மெல்பேண் …. அவுஸ்திரேலியா



கந்த புராணம் கலாசாரம் ஆனது
நொந்திடு மனத்துக்கு ஒளடதம் ஆனது
ஆலயந் தோறும் கந்தனின் புராணம்
படிப்பது என்பது பக்தியின் நிலையே

ஆறு நாட்களும் ஆறு முகனை
சோறு தண்ணி தவிர்தே நிற்பார்
வீர வேலன் வெற்றித் திருமகன் 
பாதம் பணிந்து நோற்பார் விரதம் 

இளையோர் முதியோர் யாவரும் இணைவார்
சளையா திருந்து விரதம் பிடிப்பார்
ஆறு நாளையும் பேறாய் எண்ணி
அரனின் மைந்தன் ஆலயம் இருப்பார் !



                      ( 6 ம் நாள் )

அப்பன் முருகன் அருளுவான் எமக்கு !

        மகாதேவ ஐயர் ஜெயராமசர்மா 
   மேனாள் தமிழ்மொழிக் கல்வி இயக்குநர்
          மெல்பேண் …. அவுஸ்திரேலியா


ஒருமுகம் எங்களை உருகிட வைக்கும்
மறுமுகம் எங்களை மயங்கிடச் செய்யும்
அறுமுகம் இணைந்து ஆனந்தம் கொடுக்கும்
அப்பன் முருகன் அருளுவான் எமக்கு

வேலன் என்றால் வினைகள் ஓடும்
காலனும் அருகே வந்திட மாட்டான்
ஆலமாய் இருக்கும் அனைத்தையும் போக்குவான்
அழகன் முருகன் அடியினைப் பரவுவோம்

கனியும் அவனே சுவையும் அவனே
காயும் அவனே மலரும் அவனே
அனைத்தும் ஆகி இருப்பவன் முருகன்
அவனை நினைத்தால் ஆனந்தம் பெருகும்  !

JUDE SUGI யின் "கண்ணம்மா" ஈழத்து தமிழ்த் திரைப் படத்தின் பாடல் வெளியீடு

 .

JUDE SuGI யின் "கண்ணம்மா" ஈழத்து தமிழ்த் திரைப் படத்தின் பாடல் வெளியீடு

24.10.2025 அன்று இடம்பெற்றுள்ளது. பிரஷாந்த் கிருஷ்ணபிள்ளையின் அருமையான இசையிலும், றொபின் றொனால்டு அவர்களின் வரிகளிலும் அமைந்த பாடல்கள் யூட் சுஜியின் இயக்கத்தில் உருவாகியுள்ள திரைப்படம். அனைவரும் அறிந்த ஈழத்தின் மூத்த நடிகர் மகேந்திர சிங்கம் முக்கிய பாத்திரமேற்று நடித்துள்ள திரைப்படம். மிக விரைவில்  வெள்ளித்திரையில் காணலாம்.  கலைஞர்களை தமிழ்முரசுஅவுஸ்திரேலியா (http://www.tamilmurasuaustralia.com) வாழ்த்துகிறது. கீழே உள்ள YOUTUBE இல் பாடல்களை கேட்டு மகிழுங்கள்.