வானொலி மாமா நா மகேசன் அவர்களுக்கு தமிழ்முரசுஆஸ்திரேலியாவின் அஞ்சலிப் பூக்கள் - செ .பாஸ்கரன்

 .

மகேசன் மாமாவுடன் 2019ம் ஆண்டு 

“வானொலி மாமா” மகேசன் அவர்கள் எம்மை விட்டு பிரிந்து விட்டார்.

1965 ஆம் ஆண்டு தொடக்கம் இலங்கை ஒலிபரப்புக் கூட்டுத்தாபனத்தில் “சிறுவர் மலர்” நிகழ்ச்சிமூலம் “வானொலி மாமா” ஆகி இறுதிவரை வானொலி மாமா என்றே பயணித்தவர் 22 ஜூன் 2023 ல் எம்மை விட்டு பிரிந்து விடடார்.

அவுஸ்திரேலியாவில் தமிழ் முழக்கம், அவுஸ்திரேலியத் தமிழ் ஒலிபரப்புக் கூட்டுத்தாபனத்தில் பல்லாண்டு காலம் தமிழ்ச் சமூகத்துக்குச் சேவையாற்றியவர்.

நிகழ்ச்சி தயாரிப்பாளராக, அறிவிப்பாளராக, விமர்சகராக, நேர்முக வர்ணனையாளராக, சமய துறை வல்லுனராக, நாடக நெறியாளராக, இலக்கிய வாதியாக பல் துறையிலும் வானொலியில் பணிபுரிந்தவர்.

புதியவர்களை ஊக்குவிப்பதும் தட்டிக்கொடுப்பதும் இவர் இயல்பாகும். சிரித்தவண்ணம் எல்லோருடனும் அன்பாக பழக்க தெரிந்தவர்.

குழந்தைகளுக்கு தமிழையும் சமயத்தையும் புகட்ட வேண்டும் என்ற நோக்கில் நூல்களும், நாடகங்களுமாகப் படைத்தவர். குறிப்பாக ஆத்திசூடி அற நெறிக் கதைகள், அவுஸ்திரேலியாவில் ஆத்திசூடி, பாலர் நாடகங்கள் பத்து, நாடகக் கவியரங்கு நான்கு, ஒளவை வந்தால் உள்ளிட்ட ஏராளம் சிறுவர் இலக்கியங்கள் படைத்தவர்.

மேலும் வாசிக்க

வடமராட்சி அல்வாயில் முருகபூபதியின் சினிமா: பார்த்ததும் கேட்டதும் நூல் வெளியீட்டு அரங்கு

அவுஸ்திரேலியாவிலிருந்து வருகை தந்துள்ள படைப்பிலக்கியவாதியும் ஊடகவியலாளருமான                                 திரு. லெ. முருகபூபதியின்  நுல்களின் வரிசையில் 30 ஆவது வரவாக வெளிவந்துள்ள சினிமா: பார்த்ததும் கேட்டதும் வெளியீட்டு அரங்கு எதிர்வரும் 02 ஆம் திகதி ( 02-07-2023 ) மாலை 4-00 மணிக்கு ஞாயிற்றுக்கிழமை வடமராட்சி அல்வாய் கலைஅகத்தில் எழுத்தாளர் திரு. கொற்றை                         பி. கிருஷ்ணானந்தன் தலைமையில் நடைபெறும்.

 யாழ். ஜீவநதி வெளியீடாக வந்துள்ள சினிமா: பார்த்ததும் கேட்டதும் நூலின் வெளியீட்டுரையை  எழுத்தாளர் திரு. இ.சு. முரளீதரன் நிகழ்த்துவார். இந்நூல்  பற்றிய தமது கருத்துரையை  திரு.  ‘’ அலை  “ யேசுராசா தெரிவிப்பார்.

நூலாசிரியர் திரு. லெ. முருகபூபதி தனது ஏற்புரையுடன் தனது
இலக்கிய அனுபவங்கள் குறித்தும் பேசுவார்.

அல்வாய்  அவை அமைப்பின் 59 ஆவது கூட்டத் தொடராக இந்நிழ்வு ஏற்பாடு செய்யப்பட்டுள்ளது. 

நிகழ்ச்சி ஒருங்கிணைப்பு : ஜீவநதி ஆசிரியர் கலாமணி பரணீதரன்.

கலை, இலக்கிய ஆர்வலர்கள் அன்புடன் அழைக்கப்படுகின்றனர்.

 

எழுத்தும் வாழ்க்கையும் ( இரண்டாம் பாகம் ) அங்கம்- 69 பதினைந்து நாட்களில் பல்வேறு சந்திப்புகள் ! சரியான திட்டமிடலின் மூலம் நிகழ்ச்சிகளை சாத்தியமாக்கலாம் ! ! முருகபூபதி

 

கனடாவிலிருந்த இலக்கிய நண்பர்களுடனான சந்திப்புகளை  குறுகிய காலத்திற்குள் நடத்தவேண்டியிருந்தது. ஜூன் மாதம் 15 ஆம் திகதி அதிகாலையே  டொரன்டோவை விட்டு புறப்படவேண்டியிருந்தமையால்,  சந்திப்புகளுக்கான நாளை குறிப்பதில் கவனம் செலுத்தினேன்.

கனடாவுக்கு வந்திறங்கிய மறுநாள்  என்னைப்பார்க்க இலக்கிய ஆர்வலர் மைதிலி தனது கணவர் தயாநிதியுடன் வந்துவிட்டார்.

அவரை அன்றுதான் முதல் முதலில் நேருக்கு நேர் சந்திக்கின்றேன்.  இறுதியாக வெளியான எனது கதைத் தொகுப்பின் கதை நூல் பற்றி ஒரு மெய்நிகர் கலந்துரையாடலில் மைதிலி சிறந்த திறனாய்வைச் செய்திருப்பவர்.

எம்மை கனடாவுக்கு அழைத்த நண்பர் முத்துலிங்கம் ஜூன் 08 ஆம் திகதி, ஷேக்ஸ்பியரின் நாடகத்திற்கு அழைத்துச்செல்லுவதற்கான ஏற்பாடுகளையும் ஒழுங்கு செய்திருந்தார்.

அந்த ஷேக்ஸ்பியர் நாடக அரங்கம் ஸ்காபரோவிலிருந்து இரண்டு மணி நேரப்பயணத் தூரத்திலிருந்தது.

நயாகரா நீர்வீழ்ச்சியை பார்க்கச் செல்வதற்காக எனது உடன்பிறவாத தங்கை செல்வநளினி ராஜன் நாள் குறித்திருந்தார்.

நண்பர் பதிவுகள் கிரிதரன் தனது சில நண்பர்களுடன் ஒரு உணவு விடுதியில் சந்திப்புக்கு ஏற்பாடு செய்திருந்தார். அத்துடன் காலம் செல்வம், நாடகக் கலைஞர் ஜயகரன் ஆகியோருடன் இணைந்து தேடகம் சார்பாக தமிழ்நாட்டிலிருந்து வருகை தந்திருந்த எழுத்தாளர் திரைப்பட இயக்குநர் சாம்ராஜுக்கும் எனக்குமான சந்திப்பு கூட்டத்தையும் ஒழுங்குசெய்திருந்தார்.

மேலும் வாசிக்க

மணிவாசகப் பெருமானை மனத்தில் இருத்துவோம் !

மகாதேவ ஐயர் ஜெயராமசர்மா மேனாள் தமிழ்மொழிக் கல்வி இயக்குநர் மெல்பேண் ..... அவுஸ்திரேலியா        தேனை நாடி வண்டுகள் ஓடும்.தேனைச் சுவைப்பதில் வண்டுகளுக்கு பேரானந் தம். இந்த வண்டு மற் றைய வண்டுகள் போன்றதன்று.இவ் வண்டு திருவாதவூரில் இருந்து வந்த வண்டு. ஏனைய வண்டுகள் பல மலர்களையும் நாடிநிற்க - வாதவூர் வண்டு; வேத உபநிடதங்களை நாடி அங்கு திருவாசகம் என்னும் உய ரிய தேனைப் பருகி எமக்கெல்லாம் வழங்கி இருக்கிறது.அந்த வண்டு வழங்கிய தேனான திருவாசகம் - தொட்டாலும் இனிக்கும்.கேட்டாலும் இனிக்கும். படித்தாலும் இனிக்கும்.சொல் லச் சொல்ல இனிக்கும் சொற்களால்  ஆனதுதான் அந்த வாசகம் " திருவாசகம் ".   இதனால்த்தான் "திருவாசகத்துக்கு உருகாதார் ஒருவாசகத்துக்கும் உருகார் " என்று பலரும் வியந்து போற்றும் நிலை அமைந்து விட்டது.    திருவாதவூரில் பிறந்தபடியால் திருவாதவூரர் என்றும் , மணிமணியான வார்த்தை களை வழங்கியதால் மணிவாசகர் என்றும் , அவரின் ஒவ்வொரு வார்த்தைகளும் சைவத்துக்கும் , தமிழுக்கும் மாணிக்கமாய் அமைந்தமையால் மாணிக்கவாசகர் என் றும் யாவராலும் பெருமதிப்புடன் அழைக்கப்பட்டர்.   அந்தணகுலத்தில் பிறந்து , பேராளுமை மிக்கவராய் விளங்கினார் மணிவாசகப் பெருமான் என்று அவரைப்பற்றி திருவாதவூரடிகள் புராணம் வாயிலாக அறிகின் றோம். மணிவாசகப் பெருமானின் ஆளுமையினை அவர் வாழ்ந்த பாண்டி நாட்டின் அரசன் - அரிமர்த்தன பாண்டியன் அகத்தில் இருத்தி அவரை தனது அரசாட்சியில் முதலமைச்சர் ஆக்கினான். அத்துடன் அவரின் ஆற்றல்களை மெச்சி " தென்னவன் பிரம்மராயன் " என்னும் பட்டத் தையும் வழங்கிப் பெருமைப்படுத்தினான்.மன்னவன் இவ்வாறு பெருமைப்படு த்தினான் என்பதை  தென்னவன் பிரமராயன் என்றருள் சிறந்த நாமம் மன்னவர் மதிக்க நல்கி வையகம் உய்வதாக மின்னவ மணிப்பூணாடை வெண்மதிக்கவிகை தண்டு மொன்னவர் கவிரி வேழமளித்தனன் பொருநை நாடன்   . வாதவூராரினை தனது அகத்தில் ஏற்றிய மன்னவன் - மற்ற மன்னவர்களும் மதிக் கும் வண்ணம் அவரு க்கு நன்மதிப்பினைக் கொடுத்தான். நவரெத்தினாலான ஆபர ணங்கள், பட்டுப்பீதாபரங்கள் , சந்திரன் போன்ற வெண் கொற்றக் குடை, முத்திலான சிவிகை, பொன்னாலான காப்பு , சாமரை, யானை என்று அளித்து ஆனந்தம் அடைந் தான். என்று வாதவூரடிகள் புராணம் சுட்டிக் காட்டி நிற்கிறது.    அதிகாரம் மிக்க பதவி ! அரசனின் அன்பும் ஆதரவுமான நிலை! எதையும் செய்யும் இருப்பிடம் ! இவை எவையையும் வாதவூரர் உள்ளம் பெரிதாக ஏற்றுக் கொண்டதாகவே தெரியவில்லை.புகழும் , ஆடம்பர ங்களும் நிலையாய் இருக்க மாட்டா என் னும் நினைப்பால் நிலையாயிருக்கும்  அப்பரம் பொருளையே அவர் நாளும் பொழுது எண்ணியபடி அமைச்சர் என்னும் பெயரில் பாண்டியன் அவையில் இருந்தார் என லாம். " ஓடும் செம்பொன்னும் ஒக்க நோக்கும் " எண்ணமே அவருள்ளத்தில் ஆழ மாய் ஆணிவேராய் இருந்தது எனலாம்.

மேலும் வாசிக்க

முன்னுதாரணமான குணாம்சங்களைக் கொண்ட பாப்பரசர் முதலாம் பிரான்சிஸ் ஜூன் 25 பாப்பரசர் தினம்

 Tuesday, June 20, 2023 - 11:42am

பரிசுத்த பாப்பரசர் தினம் எதிர்வரும் 25ஆம் திகதி சிறப்பிக்கப்படுகிறது.

திருச்சபையின் தலைவரான தற்போதைய பாப்பரசர் முதலாவது பிரான்சிஸ் மிகவும் எளிமையானவர்.

உலக மக்களை நேசிப்பவர். அனைத்து மதங்களுடனும் ஒப்புரவுடன் பழகுபவர். நாடுகளுக்கு இடையிலான சமாதானத்திற்காக அர்ப்பணிப்புடன் செயல்படுபவர் என அவரது சிறப்பை பலவிதமாக குறிப்பிட முடியும்.

திருத்தந்தை பிரான்ஸிசின் இயற்பெயர் ஜோர்ஜ் மரியோ பெர்கோக்லியோ 2013ஆம் ஆண்டு பங்குனி மாதம் திருத்தந்தையாக தெரிவு செய்யப்பட்ட இவர் அமெரிக்க கண்டத்திலிருந்து தெரிவு செய்யப்பட்ட முதலாவது பாப்பரசராவார்.

மேலும் வாசிக்க

அரபா நாளின் மகத்துவம்

 Friday, June 23, 2023 - 11:48am

"நிச்சயமாக அல்லாஹ்வுடைய ஏட்டில் வானங்களையும் பூமியையும் படைத்த நாளில் இருந்தே மாதங்களின் எண்ணிக்கை பன்னிரெண்டாகும். அவற்றில் நான்கு மாதங்கள் புனிதமானவை...”

(தௌபா 36) என அல்லாஹுத்தஆலா குறிப்பிடுகின்றான். ரஜப், துல்கஃதா, துல்ஹஜ், முஹர்ரம் மாதங்களே அவையாகும் என அந்த நான்கு மாதங்களையும் அல்லாஹ்வின் தூதர் (ஸல்) அவர்கள் சுட்டிக்காட்டியுள்ளார்கள்.

இந்நான்கு மாதங்களில் துல்கஃதா, துல்ஹிஜ்ஜா, முஹர்ரம் என தொடர்ந்து வரும் மூன்று மாதங்கள் அல்லாஹ்தஆலாவினால் புனிதப்படுத்தப்பட்டுள்ளன. இம்மூன்று மாதங்களிலும் நடுவில் வருகின்ற துல்ஹிஜ்ஜா மாதத்தின் அரபாவுடைய நாளிலேயே அல்குர்ஆன் இறக்கப்படுவது பூரணமாக்கப்பட்டது.

மேலும் வாசிக்க

திருமுறை முற்றோதல் நிகழ்ச்சி - 01/07/2023

 

இலங்கைச் செய்திகள்

 யாழ். புளி வாழைப்பழம் வாரம் ஒருமுறை துபாய்க்கு

வடக்கில் 194 பாடசாலைகள் மூடப்பட்டுள்ள நிலையில்

இரண்டாவது ஓடுதளத்தின் நிர்மாண பணிகள் ஆரம்பம்

பாடசாலைகளில் ஆரம்ப வகுப்பு முதல் ஜப்பானிய மொழி

நல்லிணக்கம், பொறுப்புக்கூறலை உறுதிப்படுத்த இலங்கை நடவடிக்கை

யாழ். புளி வாழைப்பழம் வாரம் ஒருமுறை துபாய்க்கு

Friday, June 23, 2023 - 6:00am

யாழ். விவசாயிகள் ஒரு இலட்சம் டொலர் சம்பாதிப்பு

யாழ் மாவட்டத்தில் பயிரிடப்படும் புளி வாழைப்பழங்களை வாரம் ஒருமுறை துபாய்க்கு ஏற்றுமதி செய்கின்றனர். இதன் மூலம் யாழ்ப்பாண விவசாயிகள் ஒரு இலட்சம் டொலர்களை சம்பாதித்துள்ளதாக தெரிய வந்துள்ளது.

மேலும் வாசிக்க

உலகச் செய்திகள்

டைட்டானிக் தேடிச் சென்ற டைட்டன் 5 உயிர்களுடன் அமைதியானது

நீர்மூழ்கிக் கப்பல் மாயமான இடத்தில் ‘சத்தம்’ கேட்டது

சீன தலைவர்களை சந்தித்தார் பிளிங்கன்

ஆய்வுகூட இறைச்சிக்கு அமெரிக்காவில் அனுமதி

 படகு விபத்தில் சுமார் 300 பாகிஸ்தானியர் மரணம்

டைட்டானிக் தேடிச் சென்ற டைட்டன் 5 உயிர்களுடன் அமைதியானது

Friday, June 23, 2023 - 10:48am

Rizwan Segu Mohideen

நன்றி தினகரன் 

மேலும் வாசிக்க

ஸ்ரீ வெங்கடேஸ்வர பிரதிஷ்டை தினம் @ SVT ஜூலை 1, 2023 சனிக்கிழமை .

 

 2023 ஆம் ஆண்டு ஜூலை 1 ஆம் தேதி சனிக்கிழமையன்று SVT இல் ஸ்ரீ வெங்கடேஸ்வரரின் பிரதிஷ்டை தினம் சிறப்பு பூஜைகளுடன் கொண்டாடப்படுகிறது.   காலை 09.00 மணிக்கு பூஜை விதானம் துவங்கி கலச பூஜை, பஞ்ச சூக்த, மூல மந்திர ஹோமம், ஸ்ரீ வெங்கடேஸ்வரர், ஸ்ரீ மஹாலட்சுமி மற்றும் ஆண்டாள் ஆகியோருக்கு அபிஷேகம், பிற்பகல் 2 மணிக்கு "கல்யாண உற்சவம்" நடக்கிறது

மரண அறிவித்தல்

 .

வானொலி மாமா நா.மகேசன் 

வாழ்தென்பது வரமாகும் !

மகாதேவ ஐயர் ஜெயராமசர்மா 

மேனாள் தமிழ்மொழிக் கல்வி இயக்குநர்

மெல்பேர்ண் ….. அவுஸ்திரேலியா 

 வாழ்த்தும் மனமிருந்தால்  வையகமே பார்க்கும் 

 மனமகிழ்வு  மனநிறைவு வந்துமே சேரும் 

 மனவுழைச்சல்  மனவுடைவு மறைந்துமே போகும்

 மனவமைதி மனமலர்ச்சி வந்துமே நிறையும் 

இருக்கின்ற காலம் எவருக்கும்  தெரியாது

இறக்கின்ற காலமும் எவருக்கும் தெரியாது

வாழ்கின்ற காலத்தில் வண்ணமுற வாழ்வோம்

வாழ்த்ததனை வாழ்வில் வழங்கியே மகிழ்வோம் 

ஓடித்தேடி யெங்குமே அலைந்துலய வேண்டாம் 

ஒருவார்த்தை உள்ளமதில் எழுந்தாலே போதும் 

வாழ்த்தென்னும் வார்த்தையினை வரவழைத்து விட்டால்

வரவேற்பும் கெளரவமும் வந்துமே குவியும் 

மேலும் வாசிக்க

எழுத்தும் வாழ்க்கையும் ( இரண்டாம் பாகம் ) அங்கம்- 68 தொடர்பாடலில் எதிர்நோக்கப்படும் சிக்கல்கள் ! கனடா தமிழ் இலக்கியத் தோட்டத்தின் இயல்விருது விழாவில் சந்தித்த ஆளுமைகள் முருகபூபதி

கனடா தமிழ் இலக்கியத் தோட்டத்தின் இயல் விருது விழா ஜூன் மாதம் 04 ஆம்  நடந்த மண்டபத்திற்கு,  நண்பர் பாலச்சந்திரன் என்னையும், இந்த விழாவுக்காகவே மெக்ஸிக்கோவிலிருந்து வருகை தந்திருந்த எனது பெறாமகள் செல்வி லாவண்யா ஶ்ரீதரனையும் அழைத்து வந்தார்.

எம்முடன் வந்தவர் பாலச்சந்திரனின் துணைவியார் ராஜி.

நீண்ட இடைவெளிக்குப் பின்னர் அந்த விழாவில் பலரையும் சந்திக்க முடிந்தது. அன்றுதான் முதல் முதலில் எனது அன்பிற்கும் அபிமானத்திற்குமுரிய எழுத்தாளர் அ. முத்துலிங்கம் அவர்களையும் நேருக்கு நேர் பார்க்க முடிந்தது.

எனது பெயர் இயல்விருதுக்கு பரிந்துரை செய்யப்பட்டு, நான் தெரிவாகியிருக்கின்றேன் என்ற செய்தியை முதலில் சொன்னவரும் அவர்தான். அவரைத் தொடர்ந்து காலம் இதழின் ஆசிரியர் செல்வம் அருளானந்தனும் அச்செய்தியை உறுதிப்படுத்தியிருந்தார்.

காலம் செல்வம் அவர்களையும் 2007 ஆம் ஆண்டிற்குப்பின்னர் அன்றுதான்  பார்க்கின்றேன்.

காலம் இதழில் அவ்வப்போது எழுதியிருக்கின்றேன்.

எனது பெறாமகள் லாவண்யா,  மறைந்த பாடகர் எஸ். பி. பாலசுப்பிரமணியத்தின் தீவிர ரசிகை. ஒரு சமயம் அவர் உயிருடன் இருந்த காலப்பகுதியில் தனது அப்பா ஶ்ரீதரனுடன்              ( எனது உடன் பிறந்த தம்பி ) சென்று சந்தித்து பேசியிருக்கிறாள்.

பாலசுப்பிரமணியத்தின் திடீர் மறைவு லாவண்யாவையும் மனதளவில் பெரிதும் பாதித்திருந்தபோது,  ஆங்கிலத்தில் ஒரு கட்டுரை எழுதி எனக்கு மின்னஞ்சலில் அனுப்பியிருந்தாள். அவள் ஆங்கிலத்தில் கவிதைகளும் கட்டுரைகளும் எழுதுபவள். பெரும்பாலும் தனது முகநூலில் அவற்றை பதிவேற்றியும் வருபவள். எஸ். பி. பி. மறைந்தபோது அவள் எழுதிய அந்த ஆங்கிலக் கட்டுரையை கனடாவில் நீண்ட காலமாக பதிவுகள் இணைய இதழை நடத்திவரும் நண்பர் கிரிதனுக்கு அனுப்பியிருந்தேன். அவர் அதனை வெளியிட்டிருக்கிறார்.

மேலும் வாசிக்க

25-06-2023 அன்று ஆனி திருமஞ்சனம், மாணிக்கவாசகர் குருபூஜை விழா மற்றும் திருவாசகம் முற்றோதல்

Aani Thirumanjanam

&

ManikkaVaachagar Guru Pooja Festival

& Thiruvachagam Mutrothal

on

Sunday the 25th of June 2023

 "புல்லாகிப் பூடாய்ப் புழுவாய் மரமாகிப் 
    பல்விருக மாகிப் பறவையாய்ப் பாம்பாகிக்
    கல்லாய் மனிதராய்ப் பேயாய்க் கணங்களாய்
    வல்லசுர ராகி முனிவராய்த் தேவராய்ச்
    செல்லாஅ நின்றவித் தாவர சங்கமத்துள்
  எல்லாப் பிறப்பும் பிறந்திளைத்தேன் எம்பெருமான்"

மேலும் வாசிக்க

லலிதா சஹஸ்ரநாம ஹோமம் - 25 ஜூன் 2023 - சிட்னி துர்கா கோவில்

 

பெரிய இடத்துப் பெண் - ஸ்வீட் சிக்ஸ்டி - ச சுந்தரதாஸ்

 தமிழில் ஆயிரக் கணக்கில் படங்கள் வெளிவந்த போதும் சில

படங்களின் கதைகள் ரசிகர்களை கவர்ந்து , அக் கதைகள் மீண்டும் மீண்டும் படமாகி ரசிகர்களின் ஆதரவை பெற்றே வந்துள்ளன. அப்படிப் பட்ட ஒரு கதையை கொண்டு உருவான படம் தான் பெரிய இடத்துப் பெண். படம் வெளியாகி அறுபது ஆண்டுகளாகிய போதும் இன்றும் இப் படத்தின் கதை ரசிகர்களின் கவனத்தில் எதோ ஒரு படம் மூலம் நினைவில் இருந்த வண்ணமே உள்ளது.

எம் ஜி ஆரின் நடிப்பில் , படத்தின் இறுதியில் கதாநாயகன் இறப்பது

போல் காட்டி பாசம் என்ற தோல்வி படத்தை தயாரித்து இயக்கிய டி ஆர் ராமண்ணா , அந்த தோல்வியில் இருந்து சுதாரித்துக் கொள்ள உருவாக்கிய ஜனரஞ்சக படம் இது. ஆனால் குடும்பக் கதையை அடிப்படையாக கொண்டே படம் உருவானது.

கிராமத்தில் குடுமி வைத்து, வீடுண்டு, மாடுண்டு என்று தன் ஒரே அக்காளுடன் வாழ்ந்து வரும் முருகப்பன் , அதே ஊரில் வாழும் செல்வந்தர் கைலாசபிள்ளையின் எதிர்ப்புக்கு உள்ளாகிறான். அவரின் மகள் புனிதத்தின் தந்திரத்தால் தான் மணக்க இருந்த தில்லை , புனிதத்தின் அண்ணன் சபாபதியை மணக்க , என்றாவது ஒரு நாள் உன்னை நான் மணப்பேன் என்று புனிதத்திடம் சபதம் செய்கிறான் முருகப்பன். ஆனால் கைலாசபிள்ளையின் சதியால் அவன் வீடு எரிக்கப் படுகிறது. அக்காள் கங்கையம்மாள் களங்கப்படுத்தப் பட்டு காணாமல் போகிறாள். எல்லாவற்றையும் இழந்து பட்டணம் போகும் முருகப்பன் தன் நண்பன் பிச்சாண்டி மூலம் நவநாகரீக மனிதனாகி புனிதத்தை கல்யாணம் செய்து தன் சபதத்தை நிறைவேற்றுகிறான்!

படத்தில் கிராமத்தானாகவும், பட்டணவாசியாகவும் வரும் எம் ஜி ஆர் ஒரு கலக்கு கலக்கி இருந்தார். பிற்படுத்தப் பட்ட மக்களின் கோயில் பிரவேசத்துக்கு குரல் கொடுக்கும் போதும் , சாட்டையடியில் இருந்து ஒரு தொழிலாளியை காப்பாற்றும் போதும் எழுச்சியுடன் அவர் நடிப்பு மிளிர்கிறது. அதே போல் அக்காளை பிரிந்து துடிக்கும் போதும், குழந்தையை பார்க்க ஏங்கும் போதும் உணர்ச்சிகரமாக நடித்திருந்தார். அதே போல் பாடல் காட்சிகளில் அவருடைய ஆட்டம், முகபாவம் எல்லாம் ஜோர்!

பெரிய இடத்துப் பெண்ணாக , திமிர் பிடித்தவளாக வரும் சரோஜாதேவி, ஆரம்பத்தில் குமரியாக அலட்சியத்துடனும் , பின்னர் தாயாகி , கணவன் அன்புக்கு ஏங்கும் பெண்ணாகவும் நிறைவாக நடித்திருந்தார். நாகேஷ் இல்லாவிட்டால் படமே இல்லை என்பது உண்மை. அவர் நடிப்பு சூப்பர். அசோகன் காட்டும் முறைப்பும், விறைப்பும் கவனத்தை கவர்கிறது. ஒரு காலத்தில் கவர்ச்சி காட்டி நடித்த டீ ஆர் ராஜகுமாரியின் நடிப்பு மென்மை. அதே சமயம் பிற் காலத்தில் கவர்ச்சி நடிகையாக திகழ்ந்த ஜோதிலட்சுமிக்கு இதுவே முதல் படம். இவர்களுடன் மணிமாலா, ஆர். எம் சேதுபதி, கொட்டப்புளி ஜெயராமன், ஆகியோரும் நடித்தனர். கலைவாணர் என் எஸ் கிருஷ்ணனின் மகன் கோலப்பன் இந்தப் படத்தில் அறிமுகமானார்.

மேலும் வாசிக்க

இலங்கைச் செய்திகள்

 இன நல்லிணக்கம் ஏற்பட நாட்டு மக்களது சிந்தனை மாற வேண்டும்

குருந்தி விகாரைக்குச் சொந்தமான அரச காணிகளை ஏனையவர்களுக்கு வழங்கும் தீர்மானம் இல்லை

600 சுற்றுலாப் பயணிகளுடன் அதிசொகுசுக் கப்பல் வந்தது

நாட்டில் புலம்பெயர் தமிழர்கள் முதலீடு செய்வது குறித்து பேச்சு

குருந்தூர்மலை, திரியாய் பகுதி விகாரைகளுக்கு காணி ஒதுக்கீடு?

இன நல்லிணக்கம் ஏற்பட நாட்டு மக்களது சிந்தனை மாற வேண்டும்

Saturday, June 17, 2023 - 7:14am

- அந்த மாற்றத்தை ஏற்படுத்த முன்வருமாறு நீதியமைச்சர் அழைப்பு

நாட்டிலுள்ள அனைவரும் எமது சகோதரர்களென்ற சிந்தனை ரீதியான மாற்றம் ஏற்படும்வரை நாட்டில் அபிவிருத்தி மற்றும் மனித வாழ்க்கைக்கான பாதுகாப்புத் தன்மையை எதிர்பார்க்க முடியாது. அதனால், இன நல்லிணக்கத்தை கட்டியெழுப்ப நாட்டு மக்களின் சிந்தனை ரீதியான மாற்றத்தை ஏற்படுத்த வேண்டுமென, நீதி அமைச்சர் விஜேயதாச ராஜபக்‌ஷ தெரிவித்தார்.

மேலும் வாசிக்க

உலகச் செய்திகள்

 கிரேக்கத்தில் குடியேறிகள் படகு மூழ்கியதில் 79 பேர் உயிரிழப்பு

 கிரேக்க படகு விபத்து: உயிரிழப்பு பல நூறாக அதிகரிக்கும் அச்சம்

நீதிமன்றில் குற்றச்சாட்டை மறுத்தார் டொனால்ட் ட்ரம்ப்

உக்ரைனிய ஜனாதிபதியின் சொந்த ஊரில் ரஷ்யா ஏவுகணை தாக்குதல்: அறுவர் பலி

 3 கிராமங்களை மீட்டதாக உக்ரைன் படை அறிவிப்பு

ரஷ்யாவுக்கு எதிரான உக்ரைனின் பதில் படை நடவடிக்கை ஆரம்பம்

கிரேக்கத்தில் குடியேறிகள் படகு மூழ்கியதில் 79 பேர் உயிரிழப்பு

Friday, June 16, 2023 - 6:00am

100க்கும் அதிகமானோரை மீட்ட சொகுசுக் கப்பல்

தெற்கு கிரேக்கத்தின் கடற்கரைக்கு அப்பால் குடியேறிகளை ஏற்றிய மீன்பிடி படகு ஒன்று மூழ்கியதில் குறைந்தது 79 பேர் உயிரிழந்ததோடு 100க்கும் அதிகமானோர் மீட்கப்பட்டுள்ளனர்.

மேலும் வாசிக்க

மணிப்பூரில் ஒரு மாத காலத்துக்கு மேலாக ஓயாத வன்முறைகள்!

 Sunday, June 18, 2023 - 11:14am

இந்தியாவின் மணிப்பூரில் வன்முறை உச்சக்கட்டத்தை எட்டியுள்ளது. மத்திய அமைச்சர் ரஞ்சன் சிங் வீடு வன்முறையாளர்களால் தீக்கிரையாக்கப்பட்டுள்ளது. மணிப்பூரில் 40 நாட்களாக நிகழ்த்தப்பட்ட வன்முறையில் பலர் உயிரிழந்துள்ளனர்.

மணிப்பூர் மாநிலத்தில் மைத்தேயி- குக்கி இனக்குழுவினரிடையேயான மோதல் ஒரு மாத காலத்துக்கும் மேலாக தொடருகிறது. வடகிழக்கு மாநிலத்தில் பட்டியல் பழங்குடியினர் (எஸ்.டி) பிரிவில் சேர்க்கக் கோரி இரு பிரிவினருக்கு இடையே மோதல் ஏற்பட்டுள்ளது. மத்திய உள்துறை அமைச்சர் மணிப்பூர் மாநிலத்துக்கு நேரில் சென்று முகாமிட்டு அமைதி முயற்சிகளை முன்னெடுத்தார். ஆனாலும் மணிப்பூரில் வன்முறை ஓயவில்லை.

மேலும் வாசிக்க

கடன் பொறியால் இலக்கு வைக்கப்படும் இந்திய பெருங்கடல்!

 Thursday, June 15, 2023 - 5:16pm

இலங்கையில் சீனா மேற்கொண்டு வரும்  முதலீடுகள் அண்மைய காலங்களில் விவாதத்திற்கும் விமர்சனத்திற்கும் உட்பட்டிருக்கிறது. இலங்கையில் பல்வேறு திட்டங்களுக்கு சீனா கணிசமான நிதி முதலீடுகளை செய்துள்ளது. துறைமுகங்கள், மின் உற்பத்தி நிலையங்கள், நெடுஞ்சாலைகள் மற்றும் விமான நிலையங்கள் போன்ற நாட்டின் உள்கட்டமைப்பு திட்டங்களில் அதிக முதலீட்டை செய்துள்ள சீனா இலங்கையுடன் பல ஆண்டுகளாக அரசியல் மற்றும் பொருளாதார இலாபங்களை அனுபவித்து வருகிறது.

இந்நிலையில், இந்த முதலீடுகளால் இலங்கை அடைந்துள்ள பொருளாதார முற்னேற்றங்கள்  மற்றும் நன்மைகள் குறித்த சர்ச்சைகள்  தொடர்ந்த வண்ணம் உள்ளன. இலங்கை எதிர்கொண்டுள்ள கடுமையான பொருளாதார நெருக்கடிகளுக்கு சீனாவிடமிருந்து பெறப்பட்ட வெளிப்படைத் தன்மைகளற்ற கடன்களும் காரணமாக அமைந்திருப்பதாக குற்றச்சாட்டுகள் எழுந்த வண்ணமுள்ளன.

மேலும் வாசிக்க

சிட்னி ஸ்ரீ துர்க்காதேவி தேவஸ்தானம் - ஆடிப்பூரம் தேர்த் திருவிழா ஜூலை 22, 2023 - ஆடிப்பூரம் அலங்கார உற்சவம் ஜூலை 12, 2023 தொடங்குகிறது.

ஆடி துர்க்கா தேவிக்கான மாதம், இந்த மாதத்தில் பல கொண்டாட்டங்கள் உள்ளன. துர்க்கா தேவி மக்களை ஆசீர்வதிப்பதற்காக இவ்வுலகிற்கு வந்ததன் கொண்டாட்டமாக, ஆடிப் பூரம் திருவிழா கொண்டாடப்படுகிறது.

ஆடிப்பூரம் ஜூலை 12 முதல் 22 வரை 2023 - நிகழ்ச்சி 

12/07/2023 புதன்கிழமை 

ஆடிப்பூரம் ஆரம்பம் நாள்-1 

மாலை 05.30 மணி விநாயகர் பூஜை 

இரவு 07.30 வசந்த மண்டப பூஜை 

இரவு 08.00 மணி விநாயகர் ஊர்வலம் 

மேலும் வாசிக்க