படித்தோம் சொல்கின்றோம்: அ.முத்துக்கிருஷ்ணன் எழுதிய உழவின் திசை - முருகபூபதி

.

 அ.முத்துக்கிருஷ்ணன் எழுதிய உழவின் திசை

உலக யுத்தங்களில் பயன்படுத்தப்பட்ட அமோனியா, இன்று விவசாய நிலங்களின் உயிரைக்குடிக்கும் அவலம்!!

                          

                              

 “ எங்கள் ஏரோட்டம் நின்றுபோனா… உங்க காரோட்டம் என்னவாகும்…?  “  இந்த  பாடல் வரிகளை நீங்கள் மறந்திருக்கமாட்டீர்கள்.  அரைநூற்றாண்டுக்கு முன்னரே கவியரசு கண்ணதாசன் அனுபவி ராஜா அனுபவி என்ற கே. பாலச்சந்தரின் திரைப்படத்திற்காக எழுதியது.

1967 இல் இந்தப்படம் வெளியானது.

தெருவெங்கும் காரோட்டம் நிற்கவில்லை. தொடருகிறது. எரிபொருளை உறிஞ்சி கரியமிலவாயுவை உமிழ்ந்து, சூழலை மாசடையசெய்கிறது.

சமீபத்திய அவுஸ்திரேலியாவின் காட்டுத்தீயினால் எழுந்த புகைமண்டலம் அயல் நாடுகளை மட்டுமல்ல, முழுஉலகையுமே பெரிதும் பாதிக்கப்போகிறது என்ற செய்தியையும் படித்தோம்.

உழவின் திசை என்னும் நூலை எழுதியிருக்கும் எமது நண்பர் அ.முத்துக்கிருஷ்ணன் அவர்கள் இந்த மண்ணுக்கு வருமுன்பு,   சுமார் ஆறுவருடங்களின் முன்னர் அந்தப்பாடல் பிறந்துவிட்டது.

இந்தியக்கிராமங்கள் பலவற்றில் ஏரோட்டம் நின்றுவிட்ட இக்காலத்தில் முத்துக்கிருஷ்ணன், உழவின் திசை எதனை நோக்கிச்செல்கிறது என்பதை  களத்தில் நின்று ஆய்வு பூர்வமாகவும், திடுக்கிடவைக்கும் புள்ளிவிபரங்களுடனும் செய்தி ஆதாரங்களுடனும் சமூக அக்கறையுடனும் இதழ்களில் பதிவுசெய்த கட்டுரைகளின் தொகுப்பு நூல் உழவின் திசை.  

மேலும் வாசிக்க

“புகழேந்தி” தரப்போகும் திரை அனுபவம் ⚔️ கானா பிரபா

.

ஒரு பிரமாண்ட மேடை அனுபவத்துக்குத் தயாராகின்றது சிட்னித் தமிழ் சமூகம்.

விதை என்ற அமைப்பின் (Vidhai Entertainment) என்ற அமைப்பின் நிறுவகர் சக இயக்குநர்   செல்வன் ஆதி ( ஆதித்தன் திரு நந்தகுமார்) இன் எண்ணக் கருவில் உருவான மேடைப் படைப்பு ஒன்று நிகழ் நடிப்பின் வழியே ஒரு திரை அனுபவத்தைத் தரப் போகின்றது.

இந்தப் படைப்பை இயக்கும் பொறுப்பை இன்னுமொரு இளையவரான செல்வன் ஜனா ( ஜனார்த்தன் குமார குருபரன்) ஏற்றிருக்கிறார்.

புகழேந்தி, ஆறு வயதில் இருந்து பல்கலைக் கழக மாணவர்கள், மூத்த நாடகக் கலைஞர்கள் உள்ளிட்டோரை உள்வாங்கி 60 க்கு மேற்பட்ட கலைஞர்கள், அரங்கக் கலை நிபுணர்களை ஒருங்கிணைத்து நிகழ்த்தப்படவிருக்கின்றது.

வீடியோஸ்பதி காணொளி வலைப்பதிவின் சந்திப்பாக செல்வன் ஆதி மற்றும் செல்வன் ஜனாவைச் சந்தித்தேன்.

அந்த உரையாடலின் காணொளியோடு “புகழேந்தி” முன்னோட்டமும் இதோ

மேலும் வாசிக்க

தெய்வங்களின் சங்கமம் - Vasunthara Pahiratha

.

சமீபத்திய தஞ்சை பயணத்தின் போது, பொறியாளர்
ஒருவர் மூலம் நாம் பெற்ற, தஞ்சை பெரியகோவில்
கட்டுமானம் பற்றிய ஒரு தகவல்..

கோபுர உச்சியை உற்று நோக்குங்கள்..

கோபுரஉச்சியை நன்கு உற்று நோக்குங்கள்.
பிரம்மாந்திர கல் எனப்படும் ஸ்தூபிக்கல்.
இது ஒரு கல்லோ, அல்லது பல கற்களின் சேர்க்கையோ இதன் எடை 80 டன்.. இந்த பிம்மாந்திர
கல்லை தாங்கும் அந்த சதுரவடிவக் கல்லை நோக்குங்கள்.. அந்த கல்லும் 80 டன்.. அந்த சதுரக்
கல்லின் மேல் பக்கத்திற்கு இரண்டு நந்தியாக மொத்தம்
எட்டு நந்தி.. ஒவ்வொறு நந்தியின் எடை 10 டன்.
ஆக, எட்டு நந்தியின் எடை மொத்த எடை 80 டன்..

இந்த மூன்றும்தான் பெரியகோவிலின் அஸ்திவாரம்..

இது என்ன விந்தை.. அஸ்திவாரம் அடியில்தானே இருக்கும்.. தலைகீழான கூற்றாய் உள்ளதே..?

நாம் ஒரு, செங்கற்களை கொண்டு ஒரு வீடு கட்டும்போது, கட்டிடத்தின் உயரம் 12 அடி என்றால்
4 அடிக்காவது அஸ்திவாரம் இடுவோம்..

பெரியகோவில் உயரம் 216 அடி.. முழுக்க கற்களைக்கொண்டு எழுப்பப்படும் ஒரு பிரம்மாண்ட
கற்கோவில்.. கற்களின் எடையோ மிக மிக அதிகம்..
இவ்வளவு பெரிய கோவிலுக்கு அஸ்திவாரம் எவ்வாறு
அமையும்.. குறைந்தது 50 அடி ஆழம், 50 அடி அகல
அஸ்திவாரம் வேண்டும்.. இந்த அளவு சாத்தியமே இல்லை.. 50 அடி ஆழத்தில் வெறும் தண்ணீரும்
புகை மண்டலமாகத்தான் இருக்கும்..

ஆனால் .. பெரியகோவிலின் அஸ்திவாரம் வெறும்
5 அடிதான்..

மேலும் ஒரு வியப்பு.. இது எப்படி சாத்தியம்..?

இங்குதான் நம்ம சோழ விஞ்ஞானிகளின் வியத்தகு
அறிவியல் நம்மை சிலிர்ப்படையச் செய்கிறது..

பெரியகோவில் கட்டுமானத்தை, அதாவது கற்கள்
இணைக்கப்பட்டதை.. இலகு பிணைப்பு என்கிறார்கள்.
அதாவது Loose joint என்கிறார்கள்.. அதாவது ஒவ்வொறு கல்லையும் இணைக்கும் போது,
ஒரு நூலளவு இடைவெளிவிட்டு அடுக்கினார்கள்..

மேலும் வாசிக்க

ஸ்வீட் சிக்ஸ்டி - பாக்தாத் திருடன் - ச. சுந்தரதாஸ்

.

இலட்சக் கணக்கான ரசிகர்களைக் கவர்ந்திருந்த மக்கள் திலகம் எம்.ஜி.ஆர் இஸ்லாமியராக வேடம் ஏற்று நடித்த ஒரு சில படங்களில் ஒன்று ‘பாக்தாத் திருடன்’. ஐம்பதாம் ஆண்டுகளின் இறுதிப் பகுதியில் தயாரிக்கத் தொடங்கிய இந்தப் படம் 1960ம் ஆண்டு திரைக்கு வந்தது.

தமிழில் குறைந்தளவிலான படங்களில் மட்டும் நடித்திருந்த ஆடல் அழகி வைஜந்திமாலா இப்படத்தில் எம்.ஜி.ஆருடன் ஜோடி சேர்ந்திருந்தார். இவர்கள் இருவரும் இணைந்து நடித்த ஒரே படமும் இதுவேயாகும். வைஜந்திமாலா நடித்ததினால் அவருடைய நடனங்களும் தாராளமாகப் படத்தில் இடம்பெற்று ரசிகர்களைக் கவர்ந்தன. அவருடைய அழகான தோற்றமும் ரசிகர்களைக் கட்டியிழுத்தது.

பாக்தாத் நாட்டின் பாதுஷா அவரின் தளபதியினால் சதி மூலம் ஆட்சியில் இருந்து அகற்றப்படுகிறான். ராணியும் மாண்டு விட சிறு குழந்தையான இளவரசன் திருடனாக வளர்கிறான். அதே சமயம் தளபதி பாதுஷாவாகி போலி இளவரசனை மக்கள் முன் நிறுத்துகிறான்.

பாக்தாத் திருடனான இளவரசனுக்கும் அடிமைப் பெண்ணான சரீனாவுக்கும் காதல் மலர்கிறது. அதே சமயம் தளபதியின் மகளும் இளவரசனைக் காதலிக்கிறாள்.

இப்படி எம்.ஜி.ஆருக்காகவே அமைக்கப்பட்ட படத்தின் கதையின் இளவரசனாக வரும் எம்.ஜி.ஆர் ஏழைகள் மீது இரக்க குணம் உள்ளவராகவும் வீரராகவும் சித்தரிக்கப்படுகிறார். படத்தின் கதை வசனம் இரண்டையும் ஏ.எஸ் முத்து எழுதியிருந்தார். வசனங்கள் சுவையாக அமைந்திருந்தன.

மேலும் வாசிக்க

அழிந்து வரும் தமிழர் இசைக்கருவிகள் – பகுதி 5 – நமரி - சரவண பிரபு ராமமூர்த்தி

.

நமரி/ கௌரிகாளம்/ கௌரிகாளை – காற்றுக்கருவி

அமைப்பு

நமரி ஒரு நீண்ட ஊதுகருவி. இரண்டு அல்லது மூன்று பாகங்களை உடைய நீண்ட குழல்வடிவ கருவியான நமரி, யானையின் பிளிறலைப் போன்ற சத்தத்தை எழுப்பவல்லது. நமரி கருவியானது எக்காளத்தை விட நீளம் குறைவாகவும் வாய் பகுதி எக்காளத்தின் வாய் பகுதி போன்று அகன்று இல்லாமலும் இருக்கின்றது.

குறிப்பு

எக்காளம், கொம்பு, தாரை, திருச்சின்னம் மற்றும் நமரி கிராமிய ஐந்திசை (பஞ்ச வாத்திய) கருவிகள் எனப்படும். யாழ்ப்பாணம் முதல் சென்னை வரை தமிழர்களாகிய நாம் கேரள செண்டை மேளம்/ பஞ்ச வாத்தியம் பின்னால் சென்று நமது நிகழ்வுகளுக்கு அழைப்பதை தவிர்த்து நமது கிராமிய ஐந்திசை கருவிகளை ஆதரிக்க வேன்டிய நேரமிது. இதனால் இக்கலைகளை அழியாமல் நாம் பாதுகாக்கலாம். தாரை, தப்பட்டை, கொம்புடன் இணைத்து, சிறுதெய்வக் கோயில் திருவிழாக்களிலும், வரவேற்பு நிகழ்ச்சிகளிலும் நமரி இசைக்கப்பட்டு வந்தது. போதிய வாய்ப்புகள் கிடைக்காததால், இப்போது இறப்பு வீடுகளில் கூட வாசிக்கிறார்கள்.சில பத்தாண்டுகள் வரை புழக்கத்தில் இருந்து காணாமல் போன சூரிய வளையம், சந்திர வளையம், கனகதப்பட்டை, கொடுகொட்டி, சிறுமுரசு போல் மிக வேகமாக காணாமல் போக இருக்கும் கருவிகளில் இதுவும் ஒன்று.

நமரியை சில ஊர்களில் கௌரிகாளம் என்று அழைக்கிறார்கள். காஞ்சி சங்கர மடத்தில்  இரண்டு வெள்ளி கௌரிகாளம் கருவிகள் உள்ளன. இரண்டு பாகங்களாக கழற்றி மாட்டும் வசதியொடு உள்ளது. இரண்டு பாகங்களை சேர்த்தால் சுமார் ஆறடி நீளம் உள்ளது. மடத்து பூசை வேளைகளில் இசைக்கப்படுகிறது. மடாதிபதிகளின் ஊர்வல நிகழ்வுகளிலும் இசைக்கப்படுகிறது. முன்பு காஞ்சி மடத்தில் கௌரிகாளம் உள்ளிட்ட கருவிகளை இசைக்க உடையார்பாளையம் வன்னிய சமஸ்த்தானத்தில் இருந்து பணியாளர்கள் அனுப்பபட்டு வந்ததாக மடத்தின் குறிப்புகள் தெரிவிக்கின்றன.(ஸ்ரீசந்த்ரமௌளீச்வர சுவாமியின் பூஜா மண்டபம், அம்பாரி, சிம்மாசனம்  மற்றும் பல்லக்கைத் தூக்கிவரும் போகிகள், தலைப்பாகையணிந்து ராணுவ உடுப்புடன் கருப்பு மற்றும் வெள்ளைக் குதிரைகளின் மீதேறி சிப்பாய்கள்,தீவட்டிக் காரர்கள், மரச் சாமான்களைத் தம் தலையில் சுமந்தபடி உடன் ஓடி வரும் காலாட்கள், கௌரிகாளை ஊதுகிறவர்கள்,  திமிரி நாகஸ்வரம் வாசிக்கிறவர்கள், நகரா, தவண்டை,  மத்தளம் மற்றும் தவில் வாத்தியங்களை வாசிக்கிறவர்கள், உள்பாரா மற்றும் வெளிப்பாராக்காரர்கள், யானைப்பாகர்கள், மாட்டுவண்டி ஓட்டுபவர்கள், இதர பணி செய்பவர்கள் என்று 200க்கும் மேற்பட்டவர்). சமஸ்த்தானங்கள் மடாதிபதிகளுக்கு அளித்த முக்கியத்துவமும் சன்னியாசிகளான மடாதிபதிகள் அரச வாழ்க்கைக்கு நிகரான வாழ்க்கை வாழ்ந்ததையும் இக்குறிப்புகள் உறுதி செய்கின்றது.

மேலும் வாசிக்க

மழைக்காற்று – தொடர்கதை – அங்கம் 22 - முருகபூபதி

.

கற்பகம் ரீச்சர் தவிர்ந்து, ஏனைய மூன்று டிக்கட்டுகளும்  வேலைக்கு அடுத்தடுத்து புறப்பட்டுவிட்டன.

ஒவ்வொரு டிக்கட்டையும் அனுப்புவதற்கிடையில் அபிதாவுக்கு போதும் போதும் என்றாகிவிடும்.   வார நாட்களில் காலையில்   அவர்களுக்குத் தேவையானதை செய்து கொடுத்துவிட்டு,                  “ மொபைலை எடுத்தீர்களா…? தண்ணீர் போத்தல் வைத்துக்கொண்டீர்களா..? வீட்டு  சாவிக்கொத்து இருக்கிறதா…?  “  ஒவ்வொன்றையும் நினைவு படுத்தியும் விடுபவள் அபிதா.

அதனையும் தினசரி  கடமைகளில் ஒன்றாக ஏற்று இயங்குவதற்கு அபிதா பழக்கப்பட்டுவிட்டாள்.

இனி புறப்படவேண்டியது கற்பகம்தான். அவளும் போய்விட்டால், மளமளவென்று இதர வீட்டு வேலைகளை முடித்து, குளித்து, உடை மாற்றி அருகிலிருக்கும் வேர்ல்ட் கொமியூனிக்கேசன் சென்டருக்கு  காலை பத்து மணிக்கு முன்னர் செல்லவேண்டும்.

ஒரு மணிநேரத்தில் திரும்பிவந்து, எஞ்சியிருக்கும் வேலைகளை கவனிக்கவேண்டும். வீட்டில் இருக்கும் தொலைபேசி அந்த ஒரு மணிநேரத்திற்கிடையில் அலறாமலும் இருக்கவேண்டும்.

எவரும் பேசலாம். அவ்வூர் திருடர்கள் எவ்வாறு வீடுகளை நோட்டம் விட்டு, திருடுவார்கள் என்பதையும் ஜீவிகா, அபிதாவுக்கு சொல்லியிருக்கிறாள்.

வீட்டுத்  தொலைபேசி இலக்கத்தில் தொடர்புகொண்டால், அங்கிருப்பவர்கள் எவரேனும் எடுத்தால், ஆட்கள் வீட்டிலிருக்கிறார்கள் என்பது அர்த்தம்.

தொடர்ந்து அது சிணுங்கிக்கொண்டிருந்தால், எவரும் இல்லை என்பது அர்த்தம்.  அபிதாவுக்கு ஒரு யோசனையும் வந்தது, ரிஸீவரை  இணைப்பிலிருந்து எடுத்து பக்கத்தில் வைத்துவிட்டுப்போனால்,  எங்கேஜ்  ஒலிதான் கேட்கும். யாரோ வீட்டிலிருந்து யாருடனோ பேசிக்கொண்டிருக்கிறார்கள் என்பது அர்த்தம்.

ஜீவிகாதானே வீட்டின் எஜமானி. அவளிடம்  தனது கம்பியூட்டர் பயிற்சி வகுப்பு பற்றி ஏற்கனவோ சமயோசிதமாக சொல்லியிருப்பதனாலும், அந்த வீட்டிலிருந்து வெளியே வேலைக்கு செல்லும் அந்த நான்கு டிக்கட்டுகளும் ஏதும் அவசரமென்றால் தனது கைத் தொலைபேசிக்கு தொடர்புகொள்வார்கள்தானே என்ற  ஆறுதலும் அபிதாவுக்கு இருந்தது.

மேலும் வாசிக்க

மௌனம் பேசும் - dr. ஃபஜிலா ஆசாத், சர்வதேச வாழ்வியல் ஆலோசகர்

.

பேச வேண்டிய நேரத்திலே மௌனமாக இருப்பதும் தவறு. மௌனமாக இருக்க வேண்டிய நேரத்திலே பேசுவதும் தவறு என்பார்கள். மௌனமாக இருக்க வேண்டிய நேரம் என்றால்… எந்த நேரத்திலும் நியாயத்தை பேசுவதில் என்ன தவறு இருக்க போகிறது என்று தான் பலருக்கும் தோன்றும்.

இடம் பொருள் ஏவல் கருதி, மௌனமே பல இடங்களில் சிறந்த மொழியாவது மட்டுமல்லாமல், சிறந்த செயலாகவும் இருக்கும். எல்லாவற்றிற்கும் உடனடியாக ரியாக்ட் பண்ணாமல் சில விஷயங்களை நாம் தூர நின்று பார்ப்பதே மகிழ்ச்சி தரும் என்கிறது வாழ்வியல்.

அது ஒரு கோடை காலம். மழையற்ற வெயிலின் கடுமையில் எப்போதும் இல்லாத அளவு வறட்சி ஏற்பட, அந்த கிராமத்தில் இருந்த குளத்தில் நீர் வற்றி விடுகிறது. மற்ற பறவைகள் எல்லாம் வேறு நீர்நிலைகள் நோக்கி பறக்க, அந்த குளத்தில் இருந்த ஆமை மேல் அதீத நட்பு கொண்ட இரண்டு வெள்ளைப் புறாக்கள் மட்டும் நட்பை பிரிய முடியாமல் நீரற்ற அந்த குளத்தையே சுற்றி சுற்றி வருகின்றன. 

ஆனால் வறண்டு போன இந்த பகுதியில் வெறுமனே இருப்பதால் ஒருவருக்கும் பயனில்லையே… தாங்களும் உயிர் வாழவேண்டும் ஆமையும் காப்பாற்றப் பட வேண்டும் என்ன செய்யலாம் என்று சிந்திக்கும்போது அங்கு தூரத்தில் ஒரு நீண்ட கயிறு தென்படுகிறது. உடனே புறாக்களுக்கு ஒரு ஐடியா பளிச்சிடுகிறது.

அடுத்த நாள் அதிகாலையில் அந்த கயிற்றின் இரு பகுதியையும் இரண்டு பறவைகளும் தங்கள் கால்களில் கட்டிக் கொள்ள, ஆமையை கயிற்றின் நடுப்பகுதியை அதன் வாயல் கவ்விக் கொள்ள செய்து வேறு நீர்நிலைக்கு தூக்கி செல்வதென்று முடிவாகிறது. 

மேலும் வாசிக்க

ராஜராஜனின் விஸ்வரூபம், தஞ்சைப் பெருவுடையார் கோயில்: நடிகர் சிவகுமாரின் எழுத்தோவியம்

.

கி.பி.1004 முதல் 1010 வரையிலான காலகட்டத்தில் ராஜராஜ சோழனால் கட்டப்பட்டது இந்த தஞ்சை பெரிய கோயில்.

கலசத்தைத்  தாங்கி நிற்கும் கல் 36 அடி சுற்றளவு கொண்டது. அதனால் காலை 9 மணியிலிருந்து பிற்பகல் 3 மணி வரை கலசத்தின் நிழல் அந்தக்  கல் மீதே விழுந்து விடும். அதற்கு முன்னும் பின்பும்  நிழல் சுற்றுச்சுவருக்கு வெளியே போய்விடும்.

1962-ஜூன் 1-ந்தேதி எனது 19-ஆவது வயதில் வரைந்த ஓவியம். அப்போது ஓவியக்கலை கல்லூரியில் இரண்டாம் ஆண்டு படித்துக்கொண்டிருந்தேன்.

நான் சென்ற போது நாள் முழுதும் வானம் மப்பும் மந்தாரமுமாக இருந்தது. ஆகவே கலச நிழல் எங்காவது  தரையில் விழுகிறதா என்று பார்க்க வாய்ப்பு கிடைக்கவில்லை.

மங்களாம்பிகா ஓட்டலில் நாள் ஒன்றுக்கு 4 ரூபாய் வாடகையில் அறை எடுத்து குளித்து தயாராகி காலை 6.30 மணிக்கு துவங்கி பிற்பகல் 2.30 மணி வரை ஒரே மூச்சாக வரைந்து முடித்த ஓவியம்.

மேலும் வாசிக்க

அன்று கவியரசு கண்ணதாசன் -இன்று கவிப்பேரரசு வைரமுத்து - பார்வதி சுப்பிரமணியன் பதிவு

.

கவிஞர் வைரமுத்து அவர்களை நேரில் சந்தித்து, எங்கள் கல்லூரி தமிழ் இலக்கிய விழாவில் உரை ஆற்ற அழைத்தோம்.
முதலில் அவர்களுடைய உதவியாளரை தொடர்பு கொண்டு பேசினோம். கவிஞரை நேரில் சந்திப்பதற்கு அனுமதி பெற்றோம்.

அவர்களை நேரில் சந்தித்தபோது அழைப்பிதழை வழங்கினோம். பின்பு விழாவினைப்பற்றிய விவரங்களை கேட்டறிந்தார் . அதன் பின் மகிழ்ச்சியோடு கலந்து கொள்வதாக உறுதி அளித்தார்.

ஆனால் அவர் தரப்பில் சில நிபந்தனைகள் வைக்கப்பட்டது. அனைத்து நிபந்தனைகளையும் ஏற்றோம். இறுதியாக ஒரு நிபந்தனை அதில் அவர் எழுதிய மூன்றாம் உலகப்போர் என்ற புத்தகத்தை 500 புத்தகங்கள் வாங்க வேண்டும் என்று கூறினார்கள்.

நாங்கள் அழைப்பு விடுத்திருந்த நிகழ்ச்சி மாணவர்களால் தங்கள் செலவில் நடத்த படுகின்ற நிகழ்ச்சி,

அப்போது அது மிகப்பெரிய தொகையாக இருந்தது .ஒரு புத்தகத்தின் விலை 240.
500 புத்தகங்களின் விலை 1,20,000 (ஒரு லட்சத்து இருபதாயிரம் ரூபாய் ). ஆகவே நாங்கள் 300 புத்தகங்கள் வாங்க சம்மதம் தெரிவித்தோம். அவர்களும் ஏற்றுக்கொண்டார்கள்.

நிகழ்ச்சி ஏற்பாடுகளை செய்ய ஆரம்பித்துவிட்டோம்.

இரண்டு நாட்களுக்கு பின்பு கவிஞருடைய வீட்டு தொலைபேசி எண்ணிலிருந்து ஒரு அழைப்பு வந்தது , அவருடைய உதவியாளர் பேசினார்.
மீண்டும் 500 புத்தகங்கள் வாங்கியாக வேண்டும் என்று கூறினார்.

மேலும் வாசிக்க

பலமிக்க தலைவரின் வருகையும் ஜனநாயகத்தின் தடம்புரளலும் - சமுத்திரன்

.

‘எக்காலத்திலும் ஜனநாயகம் பற்றிய மிகச்சிறந்த பகிடி என்னவெனில் அது தன்னை அழிக்கும் வழிவகையைத் தனது கொடிய எதிரிகளுக்குக் கொடுப்பதுதான்.’ Joseph Goebbels, ஹிட்லரின் பிரச்சார அமைச்சர் (1933-1945)

ஜனநாயகம் பற்றி ஹிட்லரின் பிரச்சாரப் பீரங்கியின் ‘பகிடி’ சமீபகாலங்களில் பல அரசியல் விமர்சகர்கள் மற்றும் பத்திரிகையாளர்களால் நினைவுகூரப்படுவதைக் காணலாம். தன்னை அழிக்கவல்ல அல்லது சீர்குலைக்கவல்ல விதைகளை ஜனநாயகம் தனக்குள்ளேயே கொண்டுள்ளது எனும் கருத்து மீண்டும் பலமாகவே கேட்கிறது. விசேடமாக டொனால்ட் ட்ரம்ப்  (Donald Trump) அமெரிக்க ஜனாதிபதித் தேர்தலில் வெற்றி பெற்றதைத் தொடர்ந்து இந்த மேற்கோள் மேலும் பரவலானது. ட்ரம்ப்பை ஹிட்லருடன் ஒப்பிடுவது பொருந்துமா என்பதல்ல முக்கியம். பலமிக்க அதிகாரவாத ஆளுமை கொண்ட ஒரு தலைவனாலேயே இன்றைய நெருக்கடிகளிலிருந்து நாட்டை விடுவிக்க முடியும் எனும் செய்தியை வலியுறுத்தும் வலதுசாரிக் கருத்தியல் பலநாடுகளில் மக்களின் ஆதரவுடன் எழுச்சி பெறுவதே அரசியல் விவாதங்களில் ஒரு முக்கிய இடத்தைப் பெற்றுள்ளது. இது ஒருவகையான சீசரிசம் Caesarism எனச் சில ஆய்வாளர்கள் கருதுகிறார்கள் – அதாவது அரசியல் சிக்கல்மிகுந்த சமயத்தில் ஜூலியஸ் சீசர் போன்ற ஒரு இரும்பு மனிதன் பலரின் ஆதரவுடன் தலைவனாவது. Caesarism எனும் கருத்துருவை கிராம்சி உட்பட பல்வேறு சமூக விஞ்ஞானிகள் பயன்படுத்தியுள்ளனர். ட்ரம்ப்பை சரிவடையும் அமெரிக்க ஏகாதிபத்தியத்தை எழுந்துநிற்க வைக்கும் வல்லமை உள்ள ஒரு சீசராக அந்த நாட்டின் மேனிலை வர்க்கத்தின் ஒரு சாரார் நம்புகின்றனர் போலும். இன்னொருபுறம் சமூக-பொருளாதாரரீதியில் பலவீனமாக்கப்பட்டோரின் ஒரு சாராரும் தமது பிரச்சனைகளைத் தீர்க்க வல்ல தலைவர் அவரென நம்புகிறார்கள்.  

மேலும் வாசிக்க

அத்தாட்சிகள் - திருக்குர்ஆன் கலைக்களஞ்சியம்

.

தொகுப்பாசிரியர் - ஆளூர் அமீர் அல்தாஃப், கோயம்புத்தூர்

நான்கு பாகங்கள், 2800 பக்கங்கள், 110 அத்தியாயங்கள், 779 தலைப்புகள், 13,000 வண்ணப்படங்கள் 

என மாபெரும் திருக்குர்ஆன் அறிவுக்களஞ்சியத்தை அமீர் அல்தாஃப் படைத்துள்ளார். 

தமிழ், ஆங்கிந்லம் ஆகிய இரண்டு மொழிகளில் 276 நூல்கள், 21 இதழ்கள் துணையுடன் இந்த சாதனை 

படைக்கப்பட்டிருக்கிறது. 

அறிவியல், புவியியல், வானவியல், மானுடவியல், சமூகவியல், மருத்துவம், நீர் மேலாண்மை, 

சுற்றுச்சூழல் உள்ளிட்ட துறைகள் தொடர்பாக திருக்குர்ஆன் பேசுகின்ற வியக்க வைக்கும் தகவல்களை 

அமீர் அல்தாஃப் மிகவும் அற்புதமாக தொகுத்தளித்திருக்கிறார். 

ஒவ்வொரு அத்தியாயத்தையும் மனங்களை கவரும் வண்ணப்படங்களுடன் விளக்கியிருப்பது 

கூடுதல் சிறப்பு. 

இறைத்தூதர் வரலாறு, முந்தைய சமூகத்தார் வரலாறு, நபிகள் நாயம் (ஸல்) அவர்களது 

அதிசயிக்கத்தக்க வரலாறு, பெருமானாரின் முக்கியமான கடிதங்கள், நபிமொழி களஞ்சியம், 

முன்னறிவிப்புகள், இஸ்லாமிய பண்பாடு, சட்டம், போர்க்டள், இறுதி நாளின் அடையாளம் 

முதலிய முக்கியமான அத்தியாயங்கள் இந்த கலைக்களஞ்சியத்தில் இடம் பெற்றுள்ளன. 

மேலும் வாசிக்க

மலேசியா தைப்பூசம்: களைகட்டிய திருவிழா, லட்சக்கணக்கில் குவிந்த பக்தர்கள்

.

மலேசியாவின் பல்வேறு மாநிலங்களில் இருந்தும், வெளிநாடுகளில் இருந்தும் ஏராளமான பக்தர்கள் பத்துமலைக்கு வருகை தந்திருந்தனர். கொரோனா கிருமித் தொற்று பாதிப்பு குறித்த அச்சமின்றி லட்சக்கணக்கானோர் திரண்ட நிலையில், பாதுகாப்புப் பணியில் 1,700க்கும் மேற்பட்ட போலிசார் ஈடுபட்டிருந்தனர்.

பத்துமலை முருகன் கோவிலில் 130ஆவது ஆண்டாக தைப்பூச விழா கொண்டாடப்பட்டுள்ளது.

இக்கோவிலுக்கு வருகை தரும் பக்தர்கள் தைப்பூசத்தையொட்டி, பால்குடமும் காவடியும் ஏந்தி வருவதும் வழக்கம். ஆயிரக்கணக்கானோர் தங்கள் நேர்த்திக்கடனைச் செலுத்தும் வகையில் இவ்வழக்கத்தை கடைபிடிக்கின்றனர்.

மலை மேல் அமைந்துள்ள குகைக் கோவிலுக்கு 272 படிகளை ஏறிச் செல்ல வேண்டும். தைப்பூசத்தையொட்டி, இந்தப் படிகள் அறவே கண்ணுக்குத் தெரியாத அளவுக்கு பக்தர் கூட்டம் நிரம்பி வழிந்தது.

மேலும் வாசிக்க

சினிமா விமர்சனம் - வானம் கொட்டட்டும்

.

சினிமாவில் தங்கள் கலை திறமையால் ஆட்சி செய்து கொடி கட்டிப்பறந்தவர்கள் சில பேர். அதில் ஒருவர் இயக்குனர் மணிரத்னம். தமிழ் சினிமாவுக்கு புது வடிவம் தந்தவர். இயக்குனர் என்பதை தாண்டி கதை பின்னணியிலும் பணியாற்றி வரும் அவரின் அடுத்த படைப்பாக தனா இயக்கத்தில் தற்போது வானம் கொட்டட்டும் படம் வெளியாகியுள்ளது. வானம் வசப்படுமா? திரைக்கதைக்குள் செல்வோமா...

கதைக்களம் :-

சரத்குமார் தேனியில் பெரிய ஆள், அவரின் அண்ணனுக்கு உயிர் ஆபத்து வருகிறது. இதனால் பலி வாங்கும் செயலில் இறங்கியவர் சிறைக்கு செல்கிறார்.

அவரின் மனைவியாக ராதிகா மகன், மகளை அழைத்துக்கொண்டு பிழைப்பிற்காக வெளியூர் சென்றுவிடுகிறார். விக்ரம் பிரபு, ஐஸ்வர்யா இருவரும் சண்டைகள், பாசம் நிறைந்த அண்ணன் தங்கையாக வளர, இடையில் இருவருக்கும் ஒரு காதல் பின்னணியும் இருக்கிறது. மறுபக்கம் சுயதொழிலில் விக்ரம் பிரபு இறங்க கடைசியில் அவரின் உயிருக்கும் ஆபத்து பகையாக தொடர்கிறது.

தொழிலில் வெற்றி பெற்றாரா? 16 வருடங்கள் கழித்து வெளிவந்த சரத்குமார் மீண்டும் குடும்பத்துடன் இணைந்தாரா? ஆபத்தில் இருந்து இவர்களின் குடும்பம் மீண்டதா என்பதே இந்த வானம் கொட்டட்டும்.

படத்தை பற்றிய அலசல் :-

அண்ணனாக, மகனாக விக்ரம் பிரபுக்கு நீண்ட நாட்களுக்கு பின் இந்த படத்தின் மூலம் ஸ்கோர் செய்கிறார். செல்வா கேரக்டரில் வரும் அவரின் கேரக்டரும் சற்று முரட்டு பிடி தான்.

மேலும் வாசிக்க